Glæsilegur árangur á landsmótinu í skólaskák!

.

Landsmótinu í skólaskák var rétt í þessu að ljúka í StórutjarnaskólaÞar vann Jón okkar Kristinn Þorgeirsson (Lundarskóla) afgerandi sigur í yngri flokki (1-7. bekk), vann allar sínar skákir 11 að tölu. Í öðru sæti varð Vignir Vatnar Stefánsson úr Reykjavík, en í þriðja sæti varð bekkjarbróðir Jóns,

Símon Þórhallsson. Kom árangur Símons verulega á óvart og vitnar um stórstígar framfarir hans síðustu mánuði.

Tinna Ósk Rúnarsdóttir var þriðju keppandi okkar í þessum flokki. Hún sýndi góða takta og árri örugglega skilið meira en 2 vinninga. Með meiri keppnisreynslu og þjálfun verður hún hættuleg hverjum sem er!

Í eldri flokki (8-10. bekk) urðu skólabræðurnir Dagur Ragnarsson og Oliver Aron Jóhannesson úr Rimaskóla efstir og jafnir.

Okkar maður, Andri Freyr Björgvinsson (Brekkuskóla), blandaði sér í toppbaráttuna framan af móti, en tapaði öllum síðustu skákum sínum og lauk mótinu í 8. sæti. Andri á því enn mikið inni og gæti með áframhaldandi framförum átt góða möguleika á meistaratitilinum að ári.  

Öðlingamót í Vatnsdal

Í dag lauk öðlingakeppni milli Reykvíkinga og Akureyringa. Eins og í fyrra mættust keppendur á miðri leið því keppt var í Flóðvangi í Vatnsdal. Keppt var á 11 borðum bæði hraðskákir og atskákir. Í gær fór atskákskeppnin fram og höfðu keppendur 15 mínútur til umhugsunar á hverja skák og keppt var í 2 riðlum. Sex keppendur voru í a-riðli og 5 í b-riðli. Leikar fóru svo í a-riðli að Reykvíkingar unnu með 38 vinningum gegn 28. Í a-riðli endaði viðureignin 20½ gegn15½ og í b-riðli 17½ gegn 12½ . Í dag var síðan keppt í hraðskák með bændaglímufyrirkomulagi. Allir Akureyringarnir tefldu við alla Reykvíkingana með 5 mín. umhugsunartíma á skák. Leikar fóru svo að Skákfélagsmenn sigruðu með 62 vinningum gegn 59. Bæði lið gátu því borið höfuðið hátt eftir mótið sem fór í alla staði vel fram.

15 mínútna mótið sem auglýst er í dag kl. 13 fellur niður

15 mínútna mótið sem auglýst er í dag kl. 13 fellur niður