Skákfélag Akureyrar

Að tefla við Smára er eins og að reyna að handjárna ál!

Sunnudagur, 25. nóvember 2012

Í dag fór fram skylduleikjamót hjá félaginu, með umhugsunartímanum 5 mínútur + 3 sek á leik. Eins og flestir vita hafa slík mót farið þannig fram að tefldar eru stöður tengdar einhverskonar þema, t.d. úr einhverju skákmóti, ákveðinni byrjun eða eftir þekktan skákmann.

Að þessu sinni varð úr að tefldar voru stöður úr hraðskákum fyrv. heimsmeistarans, Tigran Petrosian. Sá tefldi þó sjaldan hraðskák, amk opinberlega, enda finnast aðeins sex slíkar í gagnagrunnum. Stöður úr þeim öllum voru tefldar, þ.e. byrjað var á 9. leik svarts í öllum tilfellum og svo bættust við þrjár stöður úr hraðskákum Robert J. Fischer, enda tefldar níu umferðir.

Margt var sagt um skákstíl Petrosian, en sem dæmi líkti Harold Charles Schonberg því að tefla við Petrosian, við að reyna að handjárna ál, hvergi væri hægt að ná taki á honum.

Það sama verður framvegis sagt um Smára „ál“ Ólafsson, enda var ekki annað að sjá en hann hafi verið beintengdur við Petrosian heitinn þegar hann, sá fyrrnefndi, sigraði örugglega á mótinu, tapaði ekki skák en gerði tvö jafntefli sem er mjög í anda heimsmeistarans fyrv..

Að öðru leyti fóru leikar þannig;

Smári Ólafsson                                                                                       7 af 8.
Einar Garðar Hjaltason                                                                          5
Tómas Veigar og Sigurður Eiríksson                                                    4,5
Haki Jóhannesson, Logi Rúnar Jónsson og Sveinbjörn Sigurðsson   3,5
Sigurður Arnarson                                                                                  2,5
Karl Steingrímsson                                                                                  2

	Skylduleikjamót, 5 - 3				25.11.2012						Vinn	Sæti
	Nafn	1	2	3	4	5	6	7	8	9
1	Karl Egill		0	0	0	1	0	0	1	0	2	9.
2	Tómas Veigar	1		1	0	1	0	1	½	0	4,5	3.-4.
3	Haki Jóhannesson	1	0		1	1	0	0	0	½	3,5	5.-7.
4	Logi Rúnar	1	1	0		0	½	0	0	1	3,5	5.-7.
5	Sigurður Arnarson	0	0	0	1		0	0	1	½	2,5	8.
6	Smári Ólafsson	1	1	1	½	1		1	½	1	7	1.
7	Einar Garðar	1	0	1	1	1	0		1	0	5	2.
8	Sveinbjörn	0	½	1	1	0	½	0		½	3,5	5.-7.
9	Sigurður Eiríksson	1	1	½	0	½	0	1	½		4,5	3.-4.

Spil og leikir | Breytt s.d. kl. 22:23 | Slóð | Facebook | Athugasemdir (0)

Skylduleikjamót

Laugardagur, 24. nóvember 2012

Á morgun, sunnudag kl. 13, verður skylduleikjamót með umhugsunartímanum 5 mín + 3 sek á leik, háð í skákheimilinu. Þemað að þessu sinni verður „hraðskákir heimsmeistara“, en áherzla verður lögð á hraðskákir Tigran Petrosian sem var þekktur fyrir allt annað en að tefla hratt.

Petrosian var heimsmeistari á árunum 1963-69, en þá tapaði hann einvígi fyrir Boris Spassky. Hugsanlega verður farið lauslega yfir feril Petrosian, en hann var m.a. þekktur fyrir að vera heyrnarlaus götusópari og bezti vinur Korchoi.

Skrár tengdar þessari bloggfærslu:

skylduleikjamot.docx

Spil og leikir | Breytt s.d. kl. 20:11 | Slóð | Facebook | Athugasemdir (0)

Tómas Veigar Atskákmeistari Akureyrar

Fimmtudagur, 22. nóvember 2012

Síðari hluti akureyrarmótsins í atskák var fór fram í kvöld að viðstöddu fjölmenni.

Fyrir seinni hlutann voru Áskell Örn og Tómas Veigar efstir og jafnir með fullt hús. Þeir félagar mættust í fimmtu umferð og fóru leikar þannig að Tómasi tókst að vinna skákina nokkuð örugglega og var því einn efstur. Forskotið var ekki látið af hendi, enda sigraði Tómas lokaumferðunum tveim og þar með á mótinu.

Sigurinn var mjög öruggur, enda lagði hann alla andstæðinga sína og var með fullt hús, eða sjö vinninga af sjö mögulegum. Tómas er augljóslega í góðu formi þessi misserin, en hann situr nú á þrem meistaratittlum; Skákmeistari SA, Atskákmeistari Akureyrar og Bikarmeistari SA tvö ár í röð.

Áskell Örn Kárason endaði í öðru sæti með sex vinninga af sjö og Hjörleifur „húsvörður“ Halldórsson var þriðji með 3,5 vinninga.

Lokastaðan

1. Tómas Veigar Sigurðarson 7 af 7

2. Áskell Örn Kárason 6

3. Hjörleifur Halldórsson 3,5

4. Sigurður Arnarson 3

5.       – 7. Símon Þórhallson,
             Rúnar Ísleifsson og
        Sigurður Eiríksson                       2,5

8. Jón Kristinn Þorgeirsson 1

Spil og leikir | Breytt s.d. kl. 23:43 | Slóð | Facebook | Athugasemdir (0)

Áskell og Tómas með fullt hús á Atskákmóti Akureyrar

Þriðjudagur, 20. nóvember 2012

Atskákmót Akureyrar hófst s.l. sunnudag. Var mótið sett með trumbuslætti, lúðraþyti og svuntuþeytingi svo eftir var tekið um gjörvallt landið. Til leiks voru mættir átta af jólasveinunum 13. Má þar helsta nefna Lagakræki, Snjóskefil, Diskasleiki,...

Lesa meira

Spil og leikir | Breytt s.d. kl. 16:39 | Slóð | Facebook | Athugasemdir (0)

Atskák

Sunnudagur, 18. nóvember 2012

Í dag, sunnudag, hefst atskákmót Akureyrar í Íþróttahöllinni kl. 13. Því verður framhaldið fimmtudaginn 22. nóvember kl. 20

Lesa meira

Spil og leikir | Slóð | Facebook | Athugasemdir (0)

Haustmót yngri flokka - Sprett-inn mótið:

Laugardagur, 17. nóvember 2012

Jón Kristinn og Andri efstir Alls mættu 13 keppendur til leiks og tefldu um titla í þremur aldursflokkum. Flokkarnir eru 11 ára og yngri, 13 ára og yngri og 15 ára og yngri. Heildarúrslit urðu þessi: f.ár vinn stig Jón Kristinn Þorgeirsson 1999 6,5 23,5...

Lesa meira

Spil og leikir | Slóð | Facebook | Athugasemdir (0)

Sprett-inn mótið á laugardag

Föstudagur, 16. nóvember 2012

Á morgun. laugardag verður haustmót yngri flokka SA háð í Skákheimilinu. Þangað eru allir fæddir 1997 og síðar boðnir velkomnir. Teflt verður í um meistaratitil skákfélagsins í unglingaflokki. Nánar sundurgreint eru að auki 3 titlar í boði: Í flokki 11...

Lesa meira

Spil og leikir | Slóð | Facebook | Athugasemdir (0)

Jón Íslandsmeistari eykur forskotið

Fimmtudagur, 15. nóvember 2012

´ 6. umferð hinnar geysivinsælu TM-mótaraðar fór fram í kvöld og lauk með því að Jón Kristinn Þorgeirsson og Áskell Örn Kárason urðu jafnir og efstir með 10 vinninga af 11 mögulegum. Þar með jók hinn nýkrýndi Íslandsmeistari, Jón Kristinn, forskot sitt í...

Lesa meira

Spil og leikir | Slóð | Facebook | Athugasemdir (0)

Mótaröðin enn!

Þriðjudagur, 13. nóvember 2012

Við minnum á hina óstjórnlega vinsælu mótaröð Skákfélagsins sem enn og aftur mun fara fram nk. fimmtudagskvöld kl. 20.00. Flestir spá því að engin leið sé að spá um úrslitin, en þeir vopnabræður Sigarn og Jónkr er af sumum nefndir til sögunnar sem...

Lesa meira

Spil og leikir | Breytt 14.11.2012 kl. 06:58 | Slóð | Facebook | Athugasemdir (0)

Gull, silfur og brons! Jón Kristinn Íslandsmeistari!

Sunnudagur, 11. nóvember 2012

Unglingarnir okkar voru svo sannarlega að gera garðinn frægan í höfuðborginni nú um helgina. Þá fór þar fram unglingameistaramót Íslands (20 ára og yngri), auk Íslandsmóta í drengja- og stúlknaflokki (15 ára og yngri) og í pilta- og telpnaflokki (13 ára...

Lesa meira

Spil og leikir | Breytt s.d. kl. 21:37 | Slóð | Facebook | Athugasemdir (0)

« Fyrri síða | Næsta síða »

Um félagið

Skákfélag Akureyrar

Skákfélag Akureyrar var stofnað 10. febrúar árið 1919 og er meðal elstu félaga á Akureyri.

Félagið aðstöðu í Skákheimilinu í Íþróttahöllinni - gengið inn að vestan (Þórunnarstrætismegin).

Áskell Örn Kárason er formaður félagsins.

Netfang formanns er askellorn115@gmail.com og þangað má koma upplýsingum og ábendingum um efni á heimasíðuna..

Efni

Skákfélag Akureyrar

Að tefla við Smára er eins og að reyna að handjárna ál!

Skylduleikjamót

Tómas Veigar Atskákmeistari Akureyrar

Áskell og Tómas með fullt hús á Atskákmóti Akureyrar

Atskák

Haustmót yngri flokka - Sprett-inn mótið:

Sprett-inn mótið á laugardag

Jón Íslandsmeistari eykur forskotið

Mótaröðin enn!

Gull, silfur og brons! Jón Kristinn Íslandsmeistari!

Um félagið

Nýjustu færslur

Færsluflokkar

Okt. 2025

Myndaalbúm

Nýjustu myndir

Skákæfingar

Innskráning

Innskráning: