Skákstjórinn sem hraut

... og aðrar fréttir.

 Það var heimilislegt andrúmsloft í félagsheimili Skákfélagsins í kvöld þegar lokaskákir 6. umferðar Skákþingsins voru telfdar. Meðan hraðskákmenn börðust í mótaröðinni í suðursal, fóru tvær skákir 6. umferðar SÞA fram í norðursal. Vel er hljóðeinangrað milli skáksalanna þannig að hraðskákmenn urðu lítt varir við hrotur skákstjórans í nyrðra. Þeir sem þar voru luku sínum skákum möglunarlaust enda linnti hrotunum brátt og skákstjórinn reis upp við dogg. Þar með lauk sjöttu umferð sem hér segir:

Sigurður-Andri        1-0

Rúnar-Hreinn         0-1

Símon-Jón Kristinn 0-1

Jakob-Haraldur      0-1

Karl-Hjörleifur        1/2

Með þessum úrslitum jók Haraldur forystu sína í heila tvo vinninga. Hann hefur nú 5,5 að loknum sex umferðum. Næstir honum koma fráfarandi meistari Hjörleifur H og magister Sigurður A með 3,5 vinning hvor. Aðrir koma svo í hnapp þar á eftir.

Næst verður telft á Skákþinginu á sunnudag og þá verða allir vakandi.

Chess-Results

 

Jón öruggur sigurvegari

Í kvöld fór fram önnur umferð í TM mótaröðinni. Leikar fóru þannig að Jón Kristinn sigraði af öryggi með 9,5 af 10 mögulegum en ellefu keppendur tóku þátt. Í öðru til þriðja sæti urðu Sigurður Arnarson og Smári Ólafsson urðu jafnir í 2.-3. sæti með 7,5 vinninga og Sigurður Eiríksson fjórði með 6 vinninga.

Næst verður teflt í TM-mótaröðinni 14. febrúar.

TM-mótaröð í kvöld!

Skákþing Akureyrar er nú í fullum gangi en í kvöld fá aðrir að komast að - ef þeir vilja. Annað mót TM-mótaraðarinnar góðkunnu er sumsé á dagskrá kl. 20. Allir velkomnir og ókeypis fyrir dömur. Snyrtilegur klæðnaður.

Stjórnin