Hörð toppbrátta á minningarmótinu

Í dag voru telfdar 10 umferðir á minningarmóti Jóns Ingimarssonar í Alþýðuhúsinu á Akureyri. Mjög góð stemmning er á mótinu og slæðingur af áhorfendum. Einn af þeim sem lét sjá sig var fráfarandi atvinnuvega- og nýsköpunarráðherra Steingrímur J. Sigfússon sem fylgdist með skákunum af athygli. Steingrímur, sem er fyrrverandi skákmeistari Laugaskóla, lét þess getið að mjög hefði dregið úr skákiðkun á þingi og þótti miður. Lítið er vitað um skákkunnáttu þeirra þingmannsefna sem nú reyna að fá náð fyrir augum kjósenda, en frést hefur að Stefán Bergsson og Skákakademían muni fúslega kenna þeim sem vilja undirstöðuatriðin í manntafli. Refskák þurfa þeir víst eki að læra.

Það sást til Steingríms krækja í tvö eða þrjú atkvæði á skákstað með neftóbaksdós að vopni.  Fórst honum það vel úr hendi.

Það var líflegt við skákborðið í dag og ber ekki á öðru en glíman um efsta sætið standi einkum milli Rúnars Sigurpálssonar og Áskels Arnar Kárasonar. Rúnar hefur unnið allar skákir sínar utan þá sem hann tapaði fyrir Friðrik í morgun. Áskell er enn taplaus en hefur gert jafntefli við Friðrik, Ingimar og Oliver.  Þeir forystusauðir eigast svo við í fyrstu umferðinni í fyrramálið. Hún hefst kl. 11, korteri fyrir stjórnarmyndunarviðræður.

Staðan að loknum 15 umferðum af 21 er annars þessi:

 

Rúnar Sigurpálsson	14
Áskell Örn Kárason	13,5
Friðrik Ólafsson (GM)	10,5
Smári Rafn Teitsson	10,5
Oliver Aron Jóhannesson	10
Sigurður Eiríksson	9,5
Smári Ólafsson	9,5
Ingimar Jónsson	9
Sigurður Arnarson	9
Jón Kristinn Þorgeirsson	8,5
Guðfinnur Kjartansson	8
Stefán Bergsson	7,5
Haraldur Haraldsson	7
Þór Valtýsson	7
Haki Jóhannesson	6,5
Hjörleifur Halldórsson	6,5
Kristófer Ómarsson	5
Eymundur L. Eymundsson	4,5
Símon Þórhallsson	4,5
Rúnar Ísleifsson	2,5
Logi Rúnar Jónsson	2
Sindri Snær Kristófersson	0

 

 

Rúnar Sigurpálsson efstur á minningarmóti Jóns Ingimarssonar

22 keppendur voru mættir til leiks við setningu mótsins í kvöld. Þar fluttu ávörp frá Þorsteinn E. Arnórsson Einingu-Iðju, Friðrik Ólafsson stórmeistari og Áskell Örn Kárason formaður Skákfélags Akureyrar. Friðrik rifjaði m.a. upp kynni sín af Jóni og norðlenskum skákmönnum og færði Skákfélaginu að gjöf skorblað sitt frá keppni Reykvíkingar og Akureyringar að Reykjum í Hrútafirði árið 1950 þegar Friðrik var 15 ára. Þar hafði hann einnig skráð úrslit í öllum skákum í viðueigninni sem lauk með sigri sunnanmanna 9-6.

Hófst þá taflið og voru tefldar fimm umferðir af 21. Að þeim loknum er staðan þessi:

 

Rúnar Sigurpálsson	5
Smári Ólafsson	4,5
Áskell Örn Kárason	4
Haraldur Haraldsson	3,5
Sigurður Arnarson	3,5
Smári Rafn Teitsson	3,5
Haki Jóhannesson	3
Stefán Bergsson	3
Friðrik Ólafsson (GM)	2,5
Guðfinnur Kjartansson	2,5
Hjörleifur Halldórsson	2,5
Ingimar Jónsson	2,5
Kristófer Ómarsson	2,5
Sigurður Eiríksson	2,5
Jón Kristinn Þorgeirsson	2
Oliver Aron Jóhannesson	2
Rúnar Ísleifsson	1,5
Símon Þórhallsson	1,5
Logi Rúnar Jónsson	1
Þór Valtýsson	1
Eymundur L. Eymundsson	0,5
Sindri Snær Kristófersson	0

Mótinu verður fram haldið kl. 11 á morgun. Þá verða tefldar 10 umferðir nema annað verði ákveðið. 

Minningarmótið hefst í kvöld

Mót Skákfélags Akureyrar og Einingar-Iðju í aldarminningu Jóns Ingimarssonar sem m.a. var formaður Skákfélagsins og Iðji félags verksmiðjufólks um langt árabil, verður sett í Lions-salnum á 4. hæð Alþýðuhússins, Skipagötu 14, kl. 19.30 í kvöld. Eins og er eru 22 skákmenn skráðir til leiks:

 

Friðrik Ólafsson (GM)	2481
Áskell Örn Kárason	2211
Rúnar Sigurpálsson	2180
Stefán Bergsson	2121
Þór Valtýsson	2005
Haraldur Haraldsson	2004
Oliver Aron Jóhannesson	1942
Sigurður Eiríksson	1927
Sigurður Arnarson	1921
Ingimar Jónsson	1915
Smári Ólafsson	1851
Jón Kristinn Þorgeirsson	1823
Hjörleifur Halldórsson	1820
Eymundur L. Eymundsson	1788
Haki Jóhannesson	1714
Sveinbjörn Sigurðsson	1695
Rúnar Ísleifsson	1692
Guðfinnur Kjartansson	1669
Kristófer Ómarsson	1615
Símon Þórhallsson	1476
Logi Rúnar Jónsson	1375
Sindri Snær Kristófersson	0

Við eigum skemmtilegt mót framundan. Tilvalið er fyrir áhugasama að fylgjast með skákunum. Við ábyrgjumst að það verður a.m.k. jafn gaman hjá okkur eins og á kosningaskrifstofum flokkanna!