Mótaröðin og úrslit frá sunnudegi

Á morgun verður fyrsta umferð í nýrri mótaröð fram hjá Skákfélaginu. Tefldar verða hraðskákir og vinningum safnað til áramóta. Þá verður krýndur mótaraðameistari!

 

Á sunnudaginn fór fram 15 mínútna mót og verður eitt slíkt haldið í hverjum mánuði í allan vetur. Alls mættu 8 keppendur og vakti framganga Sveinbjörns Sigurðssonar verðskuldaða athygli. Hann endaði annar í keppninni með jafn marga vinninga og Símon Þórhallsson en báðir fengu 5 vinninga úr sjö skákum. Sigurvegari varð Haraldur Haraldsson með hálfan vinning í forskot. Haraldur hefur teflt vel að undanförnu og í sumar var hann eini Íslendingurinn sem fékk yfir 50% vinningshlutfall í landskeppni við frændur vora Færeyinga.

Æfingar í almennum flokki að hefjast

Í dag kl. 16.30 verður innritun í almennan flokk 7-12 ára barna. Æfingar verða framvegis vikulega á þessum tíma, 16.30-18.00. Aðalleiðbeinandi verður Andri Freyr Björgvinsson.

Fjórðungsstundarmót

Á morgun, sunnudag, fer fram mót hjá Skákfélaginu þar sem hver keppandi fær stundarfjórðung í umhugsunartíma á hverja viðureign. Herlegheitin byrja kl. 13.00 og fer skráning fram á staðnum.