Undanrásum haustmótsins lokið, hart barist!

Undanrásum haustmótsins lauk í dag þegar tvær síðustu umferðirnar voru tefldar. Margt bar þar til tíðinda. Alls mætti ellefu skákmenn til leiks en fimm tefldu allar umferðir sex. Þeir sem söfnuðu flestum vinningum voru þessir:

Símon Þórhallsson          4,5
Áskell Örn Kárason         4
Markús Orri Óskarsson      3,5
Smári Ólafsson             3
Sigþór Árni Sigurgeirsson  3
Sigurður Eiríksson         2,5

Þessir sex munu nú tefla til úrslita um meistaratitil félagsins. Úrslitakeppnin hefst á fimmtudaginn, 18. sept. kl. 18.30. Þá leiða þessir saman hesta sína:
Áskell og Smári
Sigþór og Markús
Símon og Sigurður
Allar umferðir á chess-results.

Jón Kristinn Þorgeirsson skákmeistari Norðlendinga

90 ára afmælismót Skákþings Norðlendinga fór fram dagana 5-7. september. Teflt var í Brekkuskóla á Akureyri, tefldar 11 umferðir með atskákarfyrirkomulagi (15-10). Jón Kristinn tók forystu í upphafi móts og lét hana aldrei af hendi. Keppendur voru 24. Lokastaðan í mótinu:

titill	nafn	stig	vinn
FM	Jón Kristinn Þorgeirsson	2154	9,5
IM	Davíð Kjartansson	2382	9
FM	Símon Þórhallsson	2151	7,5
IM	Áskell Örn Kárason	2128	7
FM	Rúnar Sigurpálsson	2229	6,5
	Markús Orri Óskarsson	2011	6,5
	Helgi Pétur Gunnarsson	1758	6,5
	Sigurður Eiríksson	1837	6,5
	Mikael Jóhann Karlsson	2045	6
	Stefán Bergsson	1995	6
	Smári Ólafsson	1983	6
	Adam Ferenc Gulyas	1787	6
WCM	Iðunn Helgadóttir	1765	6
	Gauti Páll Jónsson	2076	5,5
	SigÞór Árni Sigurgeirsson	1694	5,5
	Þórleifur Karlsson	1974	5,5
	Jón Magnússon	1659	5,5
	Benedikt Stefánsson	1663	5
	Nökkvi Már Valsson	1662	5
	Valur Darri Ásgrímsson	1409	4
	Harpa Hrafney Karlsdóttir	1484	3,5
	Viacheslav Kramarenko	1500	2,5
	Dominik Wielgus W	1464	1
	Baltasar Snæbjörnsson	1535	0

Verðlaun voru veitt fyrir fjögur efstu sætin; einnig fyrir bestan árangur keppanda undir 1800 stigum (Helgi Pétur Gunnarsson) og fyrir bestan árangur miðað við stig (Valur Darri Ásgrímsson). 

Hraðskákmót Norðurlands fór svo fram laugardagskvöldið 6. september. Hraðskákmeistari varð Símon Þórhallsson, sem varð efstur 15 keppenda. Lokastaðan:

nafn	stig	vinn
Símon Þórhallsson	2276	7,5
Gauti Páll Jónsson	2163	7
Jón Kristinn Þorgeirsson	2336	6
Davíð Kjartansson	2330	6
Stefán Bergsson	2105	6
Rúnar Sigurpálsson	2226	5,5
Markús Orri Óskarsson	2167	5
Þórleifur Karlsson	2011	5
Áskell Örn Kárason	2109	5
Adam Ferenc Gulyas	1802	5
Sigurður Eiríksson	1900	4
Jón Magnússon	1610	3,5
Nökkvi Már Valsson	1595	3
Björgvin Elvar Björgvinsson	0	2
SigÞór Árni Sigurgeirsson	1679	1,5

 

Styrktaraðilar mótsins voru Íslandsbanki, Arion banki, Landsbankinn og Hafnasamlag Norðurlands.

Haustmótið að hefjast!

Það er skammt stórra högga á milli nú þegar skáklífið fer á fullt eftir sumarið. Haustmót SA, sem er meistaramót félagsins verður nú með sama sniði og í fyrra; undanrásir og úrslitakeppni. Undanrásirnar hefjast nú í vikunni.

Undanrásir verða með atskáksniði, alls sex umferðir (tvær á dag):
11. september kl. 18.00 
12. september kl. 18.00 
13. september kl. 13.00 
Hér er fyrirkomulag nokkuð frjálslegt og geta keppendur valið um það að tefla allar umferðirnar eða bara hluta þeirra. Þeir sem það vilja (og geta) tefla sem flestar skákir en þeir sem aðeins vilja spreyta sig einn dag eða tvo eru líka velkomnir. Umhugsunartími verður 15 mín með 10 sek viðbótartíma fyrir hverja skák.

Úrslit: Þeir sex keppendur sem fá flesta vinninga í undanrásunum tefla svo til úrslita um meistaratitil félagsins, alls fimm kappskákir. Úrslitakeppnin hefst fimmtudaginn 18. september kl. 18.30. Og lýkur sunnudaginn 5.október. Ef þátttaka (og áhugi) er fyrir hendi verður öðrum keppendum boðið til b-úrslita. 

Þátttaka er öllum heimil, en aðeins félagsmaður getur hampað skákmeistaratitlinum. Ekki verður innheimt þátttökugjald fyrir undanrásirnar, en í úrslitum er gjaldið kr. 4000 fyrir félagsmenn en kr. 5000 fyrir aðra.  Ekkert mótsgjald fyrir börnin.