Mánaðarmót fyrir apríl; Sigþór vann

Tíu börn mættu til leiks á aprílmótinu sem haldið var sl. laugardag, 6. apríl. Margar skemmtilegar skákir voru tefldar á þessu móti og fór það ekki framhjá skákstjóranum að þessir ungu iðkendur eru að taka umtalsverðum framförum - en geta þó vissulega bætt sig heilmikið enn!
Sigþór lenti í kröppum dansi gegn Slava, en náði að bjarga sér í jafntefli á snytilegan hátt. Slava og Valur Darri gerðu líka jafntefli, en það réði svo úrslitum að Sigþór hafði betur gegn Val í spennandi skák. Yngri þátttakendurnir eiga stundum erfitt uppdráttar gegn þeim eldri, en þó gerðust þau tíðindi að yngsti keppandinn, Gabríel Máni, bar sigurorð af þeim elsta, Damian í vel útfærðri skák. 
Stefnt er að lokamótinu í syrpunni í maímánuði, líklega 11. maí. 
Lokastaðan í mótinu:

Sigþór	5½
Viacheslav	5
Valur Darri	4
Einar Ernir	3
Nökkvi Már	3
Damian	2½
Harpa	2
Iraklis	2
Gabríel	2
Skírnir	1

Staða þeirra efstu í mótaröðinni er þessi:

Sigþór Árni Sigurgeirsson	22,5
Viacheslav Kramarenko	18
Damian Jakub Kondracki	13,5
Valur Darri Ásgrímsson	13,5
Gabríel Máni Jónsson	12
Kristian Már Bernharðsson	11,5
Einar Ernir Eyþórsson	10
Skírnir Sigursveinn Hjaltason	7
Dominik W Wielgus	5
Goði Svarfdal Héðinsson	4,5
Harpa Hrafney Karlsdóttir	4,5
Jesper Tói Tómasson	4
Iraklis Hrafn	4

 

Næstu mót

Fimmtudagur 4. apríl kl. 20.00 Opið hús/hraðskák
Laugardagur 6. apríl kl. 13.00 Mánaðarmót barna
Fimmtudagur 18. apríl kl. 20.00 Opið hús/hraðskák
19-21. apríl Skákþing Norðlendinga, sjá auglýsingu hér 
22. apríl kl. 16.30 Svæðismót í skólaskák

Skemmtilegt páskamót - Símon vann örugglega.

Páskamót félagsins var háð á skírdag og mættu alls 18 keppemdur til leiks. Mótið höfðaði greinilega vel til hungra sem aldinna, enda var u.þ.b. 65 ára aldursmunur á yngsta og elsta keppanda. Að venju voru nokkur páskaegg í verðlaun - gefin félaginu af Samskipum. Allir keppendur fengu reyndar örlítið fyrir sinn snúð í þessu efni. 
Símon Þórhallsson tók snemma forystu í mótinu og lét hana aldrei af hendi, enda vann hann hverja einustu skák, níu talsins. Rúnar Sigurpálsson hafnaði í öðru sæti, einum og hálfum vinningi aftar. Þriðju varð Smári Ólafsson með sjö vinninga. Af keppenum á barnsaldri fékk Markús Orri Óskarsson flesta vinninga, en Tobias Þórarinn Matharel kom rétt á hæla honum. Næstir honum voru þeir Valur Darri Ásgrímsson og Einar Ernir Eyþórsson. 
Gott mót í alla staði og keppendur fóru heim að því loknu súkkulaðisælir.
Næst hittumst við fimmtudagskvöldið 4. apríl kl. 20.00. Þá verður tefld hraðskák. 

röð	nafn	vinn
1	Símon	9
2	Rúnar Sigurp	7½
3	Smári Ólafs	7
4	Andri Freyr	6
5	Markús Orri	5½
6	Tobias	5
7	Stefán Arnalds	4½
	Sigurður Eir	4½
9	Angantýr	4
	Valur Darri	4
	Einar Ernir	4
12	Jesper Tói	3½
	Slava	3½
	Damian	3½
15	Nökkvi Már	3
	Kristian	3
	Gabríel Máni	3
18	Bjarki Leó	½