Úrslit Jólahraðskákmótsins

Ungir sem aldnir fjölmenntu á Jólahraðskákmótið sem fór fram 22. desember. Alls voru það 16 sem létu sjá sig að þessu sinni og er það með betra móti. Sigurvegari mótsins að þessu sinni var Jón Kristinn og þarf það ekki að koma mörgum á óvart. Baráttan var hinsvegar harðari um næstu sæti á eftir honum. Það fór svo að Elsa lauk keppni í 2. sæti og Sigurður Arnarson í því þriðja. 

 

1. Jón Krsitinn Þorgeirsson   14/15

2. Elsa María Kristínardóttir 12,5

3. Sigurður Arnarson          11,5

4-5. Andri Freyr Björgvinsson 10,5

4-5. Tómas Veigar Sigurðarson 10,5

6. Ingimar Jónsson            10

7-8. Haraldur Haraldsson      9,5

7-8. Sigurður Eiríksson       9,5

9-10. Smári Ólafsson          8

9-10. Karl Steingrímsson      8

11. Haki Jóhannesson          5

12.Heiðar Ólafsson            4,5

13. Ágúst Ívar Árnason        3

14. Alexander Arnar Þórisson  2

15. Hilmir Vilhjálmsson       1

16. Alexía                    0,5

Jólahraðskákmótið á fimmtudag kl. 18.00

Nú eru jólin að ganga í garð og þar með hin hefðbundna jóla- og nýjársdagskrá skákmanna hér í bæ. 

Dagskráin hefst á hinu árlega jólahraðskákmóti nk. fimmtudag, 22. desember. Sérstök athygli er vakin á því að mótið hefst í þetta sinn kl. 18.00, kl. sex síðdegis. Það er gert til þess að þátttakendur komist fyrr í háttinn og ætti því að henta skákmönnum á öllum aldri. Nú er um að gera að láta sjá sig!

Næst dregur til tíðinda viku síðar, eða þann 29. desember, þegar hverfakeppnin góðkunna verður háð. Þar munu að vanda þorparar kljást við brekkusnigla, líklega með hjálp eyrarpúka. Þar verður mikil rimma og hörð, ef væntingar ganga eftir. Einnig í þetta sinn hefst keppnin kl. 18.00.

Þvínæst er efnt til hins heimsþekkta nýjársmóts, kl. 14 á nýjársdag. Þannig fanga menn nýju ári með glæsibrag.

Styttist þá í Skákþing Akureyrar, þann 8. janúar. Skráning er þegar hafin!

15 mínútna mót

Í dag, 11. desember,fór fram fimmtán mínútna mót. 9 Keppendur mættu til leiks og þar á meðal fyrrum formaður félagsins, Þór Valtýsson. Annar góður maður, Sigurður Daníelsson mætti líka til leiks og þar með hét þriðjungur keppenda Sigurður. Að þessu sinni tefldu allir við alla og urðu Haraldur og Þór hlutskarpastir. Til að byrja með vann Haraldur alla sína andstæðinga og leit út fyrir að vera að sigla sigrinum örugglega í höfn þegar að hinn taplausi Þór vann hann í næst síðustu skákinni. Með þeim úrslitum voru þeir báðir með 5,5 vinning fyrir síðustu skák sem þeir unnu báðir. Baráttan um 3. sætið var einnig spennandi. Hún fór svo að Andri endaði í því mjög svo eftirsótta sæti með sigri á Tómasi í lokaskákinni. 

Heildarstaðan:

1-2. Þór Valtýsson               6,5/8

1-2. Haraldur Haraldsson         6,5

3. Andri Freyr Björgvinsson      5,5

4-5. Tómas Veigar Sigurðarson    4,5

4-5. Sigurður Arnarson           4,5

6. Sigurður Eiríksson            4

7. Hjörtur Steinbergsson         2,5

8. Sigurður Daníelsson           2

9. Sveinbjörn Sigurðsson         0