Heimilistækjamótaröðin númer þrjú

Þriðja mótið í ht-röðinni (kennt við styrktaraðilann Heimilistæki) verður haldið á chess.com á morgun, föstudag (18.des) og hefst kl. 20. 

Teflt er með umhugsunartímanum 3+2 og teflt með arena fyrirkomulagi. Mótinu lýkur klukkan 21:30

 

Mótið: https://www.chess.com/live#r=818281 

 

Hvernig tek ég þátt?

Nýliðar þurfa að ganga í hópinn https://www.chess.com/club/skakfelag-akureyrar á Chess.com áður en keppnin hefst. (Mælum með því að gera það tímanlega til að þið komist örugglega í mótið)

Tengill á mótið sjált er hér að ofan, en þá má einnig finna í “Tournaments” flipanum á Chess.com/live áður en mótið hefst.

 

 

 

 

 

Skákþing Norðlendinga á sunnudag!

Skákþing Norðlendinga hefur verið haldið árlega frá árinu 1935 - aldrei fallið níður!  Í þetta sinn gerir Covid okkur erfitt fyrir en mótið skal haldið! Það verður teflt á Netinu á sunnudaginn. Mótið hefst á netþjóninum tornelo.com kl. 13.00 á sunnudaginn. Teflt verður um titilinn "Skákmeistari Norðlendinga" (þarf að eiga lögheimili á Norðurlandi) og þá einnig í unglingaflokki (f. 2005 og síðar).  Nánari upplýsingar koma bráðlega, en það þarf að skrá sig á mótið og vera með Zomm opið meðan telft er. 

Kl 13.00 á sunnudag!

Fimm Akureyringar kepptu á Íslandsmóti ungmenna um helgina

Íslandsmót ungmenna var háð í Skákmiðstöðinni í Faxafeni í Reykjavík um síðustu helgi. Mótið átti upphaflega að fara fram á Akureyri, en var frestað í tvígang vegna Covid. Mótshaldið bar nokkurn keim af gildandi samkomutakmörkunum, m.a. þrufti að tvískipta a.m.k. einum flokki af þeim sökum. Þátttaka í mótinu var þó allgóð og alls lögðu fimm iðkendur úr Skákfélaginu land undir fót og öðluðust dýrmæta reynslu í þessari keppni. Almennt stóðu okkar menn vel fyrir sínu, en áttu þó erfitt uppdráttar gegn öflugustu sunnanmönnum, sem m.a. hafa það framyfir okkar iðkendur að tefla og æfa mun meira en þau. 

Sigþór Árni Sigurgeirsson tók þátt í flokki u10 og var þar um tíma meðal efstu manna. Hann fékk að lokum fjóra vinninga í sjö skákum og má vel una við þann árangur. Öll úrslit og lokastöðuna má sjá hér. 

Þeir Brimir Skírnisson, Gunnar Logi Guðrúnarson,  Markús Orri Óskarsson og Tobias Matharel telfdu í flokki u12, sem var tvískiptur. Brimir, sem tefldi nú á sínu fyrsta móti má vera sáttur við að hafa hlotið tvo vinninga í þessari eldskírn sinni.  Hann tefldi í a-riðli.

Í b-riðli fengu þeir Markús Orri og Tobias fjóra vinninga í sjö skákum og Gunnar Logi þrjá. Stríðsgæfan var þeim misjafnlega hliðholl að þessu sinni, en í heildina má segja að árangurinn hafi verið á pari, þótt fullyrða megi að þeir eigi allir að geta betur. Markús tefldi við flesta sterkustu skákmennina í þessum riðlieg mátti játa sig sigraðan í þeim skákum, en vann aðra andstæðinga sína auðveldlega. 

     Myndirnar tók Gunnar Björnsson