Mótaáætlun haustið 2021

Nú stendur Haustmót SA sem hæst, en það er jafnframt meistaramót félagsins. Dagskráin að loknu haustmóti liggur nú fyrir. Eins og venjulega gerum við fyrirvara um breytingar, en þær verða þá rækilega auglýstar ef til þeirra kemur. 
Mótaáætlunin fylgir hér sem viðhengi í excel-skjali.

Við vekjum athygli á fjögurra móta syrpu í hraðskák sem haldin verður á fimmtudagskvöldum og byrjar þann 11. nóvember.

Þá höfum við pláss fyrir Skákþing Norðlendinga í þessari áætlun, þótt það sé ekki innanfélagsmót. Þetta skemmtilega mót á sér langa hefð að baki og verður nú haldið á Sauðárkróki dagana 12-14. nóvember. 

Næstu helgi þar á eftir blásum við til Hausthraðskákmótsins sunnudaginn 21. nóvember. Þetta er meistaramót félagsins í hraðskák. 

Þá stendur yfir undibúningur fyrir magnaða sveitakeppni sem gengið hefur undir nafninu "Þrenningin" og er áformuð í lok nóvember eða í byrjun desember.

Að öðru leyti vísum við til skjalsins sem hér er hengt við, en um jól og áramót eru nokkur henfðbundin mót á dagskrá félagsins.

Skrár tengdar þessari bloggfærslu:

• motaaaetlun_haust_2021.xlsx

Haustmótið; Andri efstur eftir þrjár umferðir

Nú er þriðju umferð lokið á Haustmótinu:

Andri-Elsa            1-0 (Elsa þurfti að gefa skákina vegna veikinda)

Arnar Smári-Hreinn  1-0 

Tobias-Markús       1/2

Sigþór-Jökull Máni  1-0

Alexía-Hilmir       0-1

Emil-Brimir         0-1 w.o.

Andri er nú efstur með þrjá vinninga, en þau Elsa María, Arnar Smári, Hreinn og Sigþór hafa tvo vinninga.

Fjórða umferð verður tefld á morgun, fimmtudag. Þá eigast við:

Hreinn og Andri

Elsa og Arnar Smári

Tobias og Sigþór

Emil og Jökull Máni

Hilmir og Brimir

Markus tekur yfirsetu að eigin ósk 1/2 vinningur.

Alexía situr hjá (1 vinningur).

Öll úrslit og staðan á chess-results.

 

Röðun í þriðju umferð Haustmóts

Nú er lokið öllum skákum annarrar umferðar Haustmótsins. Sigþór bar sigurorð af Alexíu í frestaðri skák, eftir nokkuð jafna baráttu. 
Þriðja umferð verður tefld á sunnudaginn:

Þá eigast við:

Andri og Elsa (þessi skák reyndar tefld aðeins síðar)

Arnar Smári og Hreinn

Tobias og Markús

Sigþór og Jökull Máni

Emil og Brimir

Alexía og Hilmir