Atskákmót Akureyrar hefst á fimmtudaginn

Atskákmót Akureyrar 2021 hefst nk. fimmtudag kl. 18.15. 

Tímamörk verða 20-5.

Dagskrá: 
Fimmtudagur 9. desember kl. 18.15-21.00 1-3. umferð

Sunnudagur 12. desemner kl. 13:00-17.00 4.-7. umferð

Dagskráin gerð með fyrirvara um fjölda þátttakenda, fjölgun eða fækkun umferða er hugsanleg þegar endanlegur fjöldi þátttakenda liggur fyrir. 

Þátttökugjald er kr. 1000, en að venju ókeypis fyrir þá iðkendur sem greiða æfingagjald.

Mótið verður reiknað til alþjóðlegra atskákstiga. 

Hraðskáksyrpan; Áskell vann

 

Fjórða og síðasta lotan í mótaröðinni á fimmtudagskvöldum var fór fram síðasta fimmtudag. Úrslit urðu þessi:

Áskell          12

Elsa María      10

Sigurður E       8,5

Karl Egill       6

Hilmir           3,5

Tobias           2,5

Sævar Max        1

Brimir           0

Þeir Tobias og Brimir tefldu sjö skákir, aðrir 12

Lokastaðan í syrpunni er þá þessi:

Áskell 14,5; Elsa 12; Sigurður 9,5; Hilmir 4; Stefán 3 (aðrir fengu færri stig.)

 

Þrír nýir inn á stigalista!

Alþjóðaskáksambandið FIDE hefur nú birt stigalista sinn fyrir desember. Eins og vonir stóðu til bættust þrír iðkendur okkar á alþjóðlega listann eftir góða frammistöðu á Haustmóti SA nú fyrir skömmu. Nýir "stigamenn" eru þessir:

Tobias Matharel              1467      

Sigþór Árni Sigurgeirsson    1337

Brimir Skírnisson            1282

Þetta er glæsilegt og mjög gleðilegt. Hér er um að ræða stig fyrir kappskák, þ.e. skák með lengri umhugsunartíma. Þeir félagar eru enn að safna í sarpinn fyrir atskák (rapid) og hraðskák (blitz), en þurfa nokkrar skákir til svo þau stig verði gild. 
Stigatala Tobiasar er sérlega áhugaverð og skilar honum líklega nokkuð hátt á lista íslenskra jafnaldra (f. 2009).