Mótahald í janúar og febrúar

Skákþing Akureyrar er að hefjast nú á sunnudaginn 16. janúar og verður í gangi a.m.k. fram í miðjan febrúar (sjá auglýsingu í fyrri færslu). Annað sem ákveðið er núna:
Mótaröð á fimmtudagskvöldum kl. 20.00, (tefld hraðskák):
13. janúar

27. janúar

10. febrúar

17. febrúar

24. febrúar

Eins og fyrr er öllum heimil þátttaka í þessum mótum. Borðgjald er kr. 500 (börn undanþegin).  Stig verða veitt fyrir árangur og þátttöku og sigurvegari krýndur í lokin.

Skákþing Akureyrir í yngri flokki verður háð dagana 28. og 29. janúar. Dagskrá sem hér segir:

Föstudaginn 28. janúar kl. 16.10;  1-3. umferð.
Laugardaginn 29. janúar kl. 11.00  4-7. umferð.

Umhugsunartími verður 10-5 (þ.e. 10 mínútur + 5 sekúndna viðbót fyrir hvern leik)

Mótið verður reiknað til alþjóðlegra atskákstiga. 

Teflt verður um tvo meistaratitlatitla; Í unglingaflokki (f. 2006-2011) og barnaflokki (f. 2012 og síðar).

Næsti stórviðburður verður svo Íslandsmót Skákfélaga (síðari hluti) sem fer fram í Reykjavík dagana 3-6. mars. Skákfélagið sendir fjórar sveitir til keppni. A-sveitin hefur keppni á fimmtudegi, hinar á föstudegi.  

Skákþing Akureyrar 2022

85. Skákþing Akureyrar

hefst sunnudaginn 16. janúar kl. 13.00. Teflt verður í Skákheimilinu í Íþróttahöllinni við Skólastíg.

Fyrirkomulag mótsins mun að nokkru leyti mótast af fjölda þátttakenda, en stefnt er að því að tefla 7-9 umferðir. Sigurvegarinn mun hljóta sæmdarheitið „Skákmeistari Akureyrar 2022“.  Mótið er öllum opið, bæði ungum sem gömlum.

Auk aðalmótsins verður haldið sérstakt mót fyrir yngri iðkendur, f. 2006 og síðar. Það hefst síðar í mánuðinum og verður auglýst sérstaklega.

Umhugsunartími verður 90 mínútur á skákina, auk þess sem 30 sekúndur bætast við tímann fyrir hvern leik (90+30).   

Þátttökugjald er kr. 3.000 fyrir skuldlausa félagsmenn, kr. 4.000 fyrir aðra. Þátttaka er ókeypis fyrir þá unglinga sem greitt hafa æfingagjald. 

Mótið verður reiknað til alþjóðlegra skákstiga.

Skráning er í netfangið [e-mail] eða á facebook síðu Skákfélags Akureyrar. Einnig er hægt að skrá sig á skákstað eigi síðar en 15 mínútum fyrir upphaf fyrstu umferðar.

Dagskrá í verður sem hér segir: (ath. að fjöldi umferða er óviss þar til lokaskráning liggur fyrir.)

1. umferð sunnudaginn 16.janúar    kl. 13.00     
2. umferð fimmtudaginn 20.janúar   kl. 18.00
3. umferð sunnudaginn 23.janúar    kl. 13.00     
4. umferð sunnudaginn 30.janúar    kl. 13.00     
5. umferð fimmtudaginn 3.febrúar   kl. 18.00
6. umferð sunnudaginn 6.febrúar    kl. 13.00     
7. umferð fimmtudaginn 10.febrúar  kl. 18.00
8. umferð sunnudaginn 13.febrúar   kl. 13.00 (til vara)
9. umferð fimmtudaginn 17.febrúar  kl. 18.00 (til vara)

Þegar fjöldi keppenda liggur fyrir getur mótsstjóri gert minniháttar breytingar á dagskrá og fyrirkomulagi til að auðvelda framkvæmd mótsins.

Þátttaka í mótinu er öllum heimil en Skákmeistari Akureyrar getur aðeins sá orðið sem er búsettur á Akureyri og/eða er fullgildur félagi í Skákfélagi Akureyrar. 

Núverandi Skákmeistari Akureyrar er Rúnar Sigurpálsson.

Áskell nýjársálfur 2022

Hið árlega nýjársmót var háð á hefðbundnum tíma kl. 14 á fyrsta degi nýs árs. Er þetta erfið tímasetning fyrir þá sem haldnir eru svefndrunga eftir að hafa kvatt gamla árið. Þrátt fyrir norðan stórhríð mættu sex áhugasamir keppendur til leiks. Tefld var tvöföld umferð. 
Mótstaflan segir allt um úrslitin:

röð		Nafn	1	2	3	4	5	6	vinn
1	IM	Áskell Örn Kárason	***	1	2	2	2	2	9
2	FM	Símon Þórhallsson	1	***	1	2	2	2	8
3		Þórleifur Karl Karlsson	0	1	***	2	2	2	7
4		Markús Orri Óskarsson	0	0	0	***	1	1½	2,5
5		Stefán G Jónsson	0	0	0	1	***	1	2
6		Arnar Smári Signýjarson	0	0	0	½	1	***	1,5