Líður að lokum skákþingsins

Skákþing Akureyrar, sem hófst í janúarlok hefur tekið lengri tíma en upphaflega var áætlað. Ástæðan er væntanlega alkunn, en veiruskratti nokkur náði í skottið á stórum hluta keppenda eftir að mótið hófst. Snemma var tekin sú ákvörðun að mótið skyldi klárað hvað sem raulaði og tautaði og hillir nú undir að það muni takast. Nokkrar skákir í áttundu umferð voru tefldar sl. fimmtudag 17. mars og nú hefur tekist að ljúka öllum frestuðum skákum. Þessi úrslit eru nýjust:
Stefán-Andri         0-1

Smári-Jökull Máni    1-0

Rúnar-Eymundur       1-0

Jökull Máni-Sigþór   1-0

Karl-Stefán          1/2

Sigþór-Karl          0-1

Jökull Máni-Markús   0-1

Staðan og öll úrslit á chess-results.

Nú verður gert hlé á mótinu vegna Skákþings Norðlendinga/Brim mótsins á Húsavík um næstu helgi.  Lokaumferðin verður tefld fimmdudaginn 31. mars og hefst kl. 18.00.

Þeir Rúnar Sigurpálsson og Andri Freyr Björgvinsson hafa haft nokkra yfirburði á mótinu og eru langefstir með 7,5 vinninga; gerðu jafntefli í innbyrðis skák en hafa unnið aðrar.  Bilið í næsta mann,  Stefán G Jónsson er helir þrír vinningar! Með fjóra vinninga, hálfum á eftir Stefáni koma þeir Eymundur DEymundsson, Karl Egill Steingrímsson, Smári Ólafsson og Sigurður Eiríksson. Sá síðastnefndi þurfti því miður að hætta í mótinu vegna veikinda eftir fimm umferðir. 

Á myndinni sem fylgir má sjá þá Sigþór og Karl við upphaf skákar sinnar í dag. Aldursmunurinn er 69 ár!  Það er sá eldri sem stýrir svörtu mönnunum.

Rúnar og Andri efstir og jafnir!

Þegar tveimur umferðum (og örfáum frestuðum skákum) er ólokið á Skákþingi Akureyrar er nokkuð ljóst hverjir kljást um Akureyrarmeistaratitilinn í ár. Þar fara Akureyrarmeistarinn frá því í fyrra og frá því í hitteðfyrra. Þeir Rúnar og Andri mættust í kvöld og lauk skák þeirra með fremur friðsömu jafntefli. Báðir hafa þeir hinsvegar unnið aðrar skákir sínar og eru nú efstir og jafnir með sex og hálfan vinning. Þeir hafa því dágott forskot á næstu menn sem hafa fjóra vinninga; Sigurð Eiríksson, Stefán G Jónsson og Eymund Eymundsson. Af þeim stendur Stefán best að vígi, enda á hann þrjár skakir eftir. Því miður er Sigurður forfallaður í síðustu skákunum og mun að öllum líkindum þurfa að gefa þær. Stöðuna og öll úrslit má sjá á chess-results.
Mótið heldur svo áfram á fimmtudag þegar þessar skákir eru á dagskrá:

Markús-Sigurður   (+ - fyrir Markús)

Stefán-Andri
Sigþór-Karl

Smári-Jökull Máni

Rúnar-Eymundur.

Enn er óljóst hvenær hægt verður að tefla lokaumferðina, en það verður ekki gert fyrr en öllum öðrum skákum er lokið. 

Skákþingið heldur áfram!

Eftir hlé vegna Íslandsmóts skákfélaga og ýmiskonar truflanir vegna Covid, efnum við til sjöundu umferðar Skákþings Akureyrar sunnudaginn 13. mars. Þá eigast þessir við:

1	4	1914		Olafsson Smari		FM	Sigurpalsson Runar	2279	10
2	5	1327		Karason Jokull Mani			Sigurgeirsson Sigthor Arni	1337	3
3	6	1654		Steingrimsson Karl Egill			Jonsson Stefan G	1749	2
4	7	2096		Bjorgvinsson Andri Freyr			Oskarsson Markus Orri	1384	1
5	8	1778		Eiriksson Sigurdur			Eymundsson Eymundur	1643	9

Eins og jafnan vonumst við eftir spennandi keppni og æsilegum skákum.