Jafntefli í annarri umferð

Í annarri umferð Evrópumóts skákfélaga í Mayrhofen áttum við í kappi við norska sveit, Bærum Schakselskap. Þeir með þrjá alþjóðameistara á efstu borðum og umtalsvert sigahærri en við í efri hlutanum. SA stillti þannig upp(í borðaröð): Jón Kristinn, Rúnar, Stefán, Arnar (sem kom nú inn í fyrsta sinn), Áskell og Andri. Aðeins sá síðastnefndi stigahærri en andstæðingurinn.
Öllum á óvorum vorum við komnir í beian útsendingu, þannig að gjörvöll heimsbyggðin fylgdist með skákunum.
Fyrstur til að ljúka sinni skák var kapteinninn sjálfur; snörp sókn úr Sämisch-afbrigðinu í nimza og alþjóðameistarinn Mikalsen lá í valnum. Á öðru borði fékk Rúnar á sig stórhættulega sókn og komst ekki í var í tæka tíð. IM Mihaljov vann og staðan 1-1. Arnar tefldi traust með svörtu í drekanum á fjórða borði og hélt örugglega jafntefli. Áskell náði aldrei neinu taki á sínum andstæðingi á fimmta borði og að lokum skiptist allt upp í jafntefli. Staðan 2-2 og tvær skákir eftir. Á sjötta borði var Andri kominn með steinbítstak á félaga Bjugn og þvingaði hann til uppgjafar. Þá áttum við möguleika á sigri í viðureigninni. Jokko tök töluverða áhættu með drottningarfórn í jafnri stöðu en tölvurnar gáfu honum þó jafnt lengi vel. Þar kom þó að hann missté sig gegn Fróða f.v. Noregsmeistara í endatafli þarsem JK hafði hrók og riddara gegn drottningu. Nokkur peð á borðinu og tvísýn staða. En sumsé, hann fann ekki bestu leiðina og Fróði náði að knýja fram sigur.  Eins og áður, ekki fullkomlega ásættanleg úrslit en þó nokkuð eðlileg m.v. stigatölu keppenda. Tap með minnsta mun hefði svosem ekki verið nein stórtíðindi. En við komnir á blað með eitt sig eftir tvær umferðir. Okkar bíður væntanlega nokkur sterk sveit í þriðju umferð á morgun.

Á skrifandi stundu liggur þetta ekki alveg fyrir, en hér má sjá stöðuna og öll úrslit.

 

Evrópumót skákfélaga; tap fyrir TR.

Það var engin sérstök ánægja með að lenda á móti löndum okkar í Taflfélagi Reykjavíkur í fyrstu umferð Evrópumóts skákfélaga hér í Mayrhofen. Þeir töluvert stigahærri á öllum borðum og með fjóra stórmeistara í liðinu.
Á fyrsta borði varð Jón Kristinn snemma að gefa peð í skák sinni við Guðmnund Kjartansson. Hann þvældist lengi eftir það en í raun var útlitið alltaf heldur dökkt og hann tapaði að lokum. Rúnar var líka lengst af með heldur þrengra tafl gegn Sulypa sem fór sér að engu óðslega og ýtti okkar manni hægt og sígandi út af borðinu. Á þriðja borði tefldi Stefán mjög djarflega gegn Margeiri Péturssyni og mátti stórmeistarinn hafa sig allan við. Staðan var þess eðlis að eitt feilspor skipti sköpum og þá máttu menn Stefáns ekki við margnum. Svona var staðan eftir tæplega fjögurra tíma taflmennsku og leist okkur sannarlega ekki á blikuna. Áskell varðist í verrin stöðu gegn Þresti Þórhallssyni á fjórða borði og var peði undir í endatafli. Þröstur tefldi þó ekki sem nákvæmast og Áskell náði mótspili sem dugði til jafnteflis. Andri Freyr var hetja dagsins, tefldi ágæta skák gegn Ingvari Þór Jóhannessyni. Hafði þægilegt frumkvæði lengi vel. Ingvar náði að klóra í bakkann, en var orðinn mjög tæpur á tíma. Þetta gat Andri notfært sér og náði að rbjótast með hrók sinn inn í stöðu Ingvars og knýja fram léttunnið endatafl. Á sjötta borði var Haraldur lengi vel með trausta stöðu með svörtu en missti þolinmæðina og sprengdi upp stöðuna áður en það var tímabært. Hann sat þá uppi með veikleika sem honum retndist um megn að verja.
1,5-4,5 eru auðvitað ekki fyllilega ásættanleg úrslit, en þó ekki óeðlileg miðað við þann styrkleikamun sem er á sveitunum skv. elostigum. 
Í næstu umferð sem byrjar kl. 12.00 á morgun teflum við við Bærum Sjakklubb frá Noregi. Þeir eru stigahærri en við, en möguleikar okkar samt alveg þokkalegir.
Hér má svo sjá allt.

Áskell skákmeistari SA

Sjötta og síðasta umferð haustmótsins var tefld í dag og fóru leikar svona:

Sigurður-Áskell    0-1
Andri-Sigþór       1-0
Stefán-Elsa        0-1
Hilmir-Damian      1-0
Valur-Brimir       0-1
Tobias-Alexía      1-0

Lokastaðan:
Áskell Örn Kárason          5,5
Andri Freyr Björgvinsson    5
Elsa María Kristínardóttir  4
Sigurður Eiríkisson         3,5
Hilmir Vilhjálmsson         3,5
Stefán G Jónsson            3
Tobias Matharel             3
Brimir Skírnisson           3
Sigþór Árni Sigurgeirsson   2,5
Damian Jakub Kondracki      1,5
Valur Darri Ásgrímsson      1,5
Alexía Lív Hilmisdóttir     0

Þetta er fjórði meistaratitill Áskels. Hann vann haustmótið fyrst árið 1979, fyrir 43 árum!
Andri missti naumlega af sínum fjórða titli í röð; hann mátti sætta sig við jafntefli við Áskel eftir að hafa haft betri stöðu og eftir jafntefli hans við Sigurð í fjórðu umferð var róðurinn þungur. Elsa stóð vel fyrir sínu; tapaði fyrir tveimur efstu mönnum en vann aðra. Hún hækkaði mest allra keppenda á stigum. 
Þeir bekkjarbræður Tobias og Brimir þurfa að tefla til úrslita um meistartitilinn í yngri flokki (f. 2007 og síðar). Það einvígi verður til lykta leitt nk. fimmtudag.