Skákþing Norðlendinga 5-7. september

Skákþing Norðlendinga á sér 90 ára sögu og hefur verið haldið á hverju ári frá 1935. Ekkert skákmótahald á Íslandi á sér jafnlanga óslitna sögu.

Að þessu sinni verður mótið haldið á Akureyri, í sal Brekkuskóla. Mótið er opið öllum, en aðeins keppandi af Norðurlandi getur unnið meistaratitilinn sjálfan.

Á mótinu verða tefldar 11 atskákir (15-10). Auk þess verður hraðskákmót. Þátttökuna er kr 4.000, kr. 1000 fyrir börn.

Dagskrá:

Föstudaginn 5.september kl. 18.00 1-4.umferð

Laugardaginn 6. september kl. 11.00 5-8.umferð

Laugardaginn 6.september kl. 20.00 Hraðskákmót Norðlendinga.

Sunnudaginn 7. september kl. 11.00 9-11.umferð.

Verðlaun:

1. sæti 85.000

2. sæti 55.000

3. sæti 30.000

4. sæti 20.000

Stigaverðlaun 1799 og minna 20.000

Stigaverðlaun stigalausir 15.000

Hraðskákmótið; fyrstu verðlaun 20.000

 

Nýtt starfsár að hefjast

Þegar sumri hallar færist aukið líf í skákmenntina hér norðan heiða. Við höfum látið duga eitt mót í mánuði nú yfir sumarið, en brátt kemst meiri hreyfing á peðin, (sérstaklega kantpeðin!) Að venju byrjum við á Startmótinu, sem haldið verður sunnudaginn 31. ágúst kl. 13. Svo verður Skákþing Norðlendinga haldið dagana 5-7. september og sér Skákfélagið um mótshaldið í þetta sinn, en nú eru einmitt 90 ár frá því að fyrsta skákþingið var haldið og á ekkert skákmót á landi hér sér lengri óslitna sögu. Mótið hefur aldrei fallið niður og nú er teflt í 91. sinn. Að sjálfsögðu verður mjög til mótsins vandað og við reiknum með góðri þátttöku. 
Þarnæst hefst svo haustmótið; það verður með sama sniði og í fyrra og hefjast undanrásir þann 11. september. Frekari mótaáætlun er í smíðum og mun birtast innan skamms. 
Já, og svo eru það barnaæfingarnar! Við höldum sömu dagskrá og í fyrra; almenni flokkurinn á mánudögum kl. 16:45; framhaldsflokkur á þriðjudögum kl. 14:30 og opin æfing fyrir báða flokka á fimmtudögum kl. 14:30.

Sumsé svona:
Sunnudaginn 31. ágúst kl. 13.00  STARTMÓTIÐ
Mánudaginn 1. september kl. 16:45 ÆFING, almennur flokkur
Þriðjudaginn 2. september kl. 14:30 ÆFING, framhaldsflokkur
Föstudaginn 5.september kl. 18.00 SKÁKÞING NORÐLENDINGA 1-3. umferð
Laugardaginn 6. september kl. 11:00 SKÁKÞING NORÐLENDINGA 4-7. umferð
Laugardaginn 6. september kl. 16:00 HRAÐSKÁKMÓT NORÐLENDINGA
Sunnudaginn 7. september kl. 11:00 SKÁKÞING NORÐLENDINGA 8-11. umferð
Fimmtudaginn 11. september kl. 18:00 HAUSTMÓTIÐ, undanrásir 1-2. umferð
Föstudaginn 12. september kl. 18:00 HAUSTMÓTIÐ, undanrásir 3-4. umferð
Laugardaginn 13. september kl. 13:00 HAUSTMÓTIÐ, undanrásir 5-6. umferð 
Opnu æfingarnar á fimmtudögum hefjast 18. september

 

Júnískákmótið á fimmtudaginn.

Þrátt fyrir rólegheit hjá félaginu um þessar mundir höldum við okkur við þá hefð að efna til a.m.k. eins skákmóts í hverjum hinna þriggja sumarmánaða. Júnímótið verður núna á fimmtudaginn 26. júní og hefst kl. 18.00. Tefld verður hraðskák (4-2).