Nýtt starfsár að hefjast

Þegar sumri hallar færist aukið líf í skákmenntina hér norðan heiða. Við höfum látið duga eitt mót í mánuði nú yfir sumarið, en brátt kemst meiri hreyfing á peðin, (sérstaklega kantpeðin!) Að venju byrjum við á Startmótinu, sem haldið verður sunnudaginn 31. ágúst kl. 13. Svo verður Skákþing Norðlendinga haldið dagana 5-7. september og sér Skákfélagið um mótshaldið í þetta sinn, en nú eru einmitt 90 ár frá því að fyrsta skákþingið var haldið og á ekkert skákmót á landi hér sér lengri óslitna sögu. Mótið hefur aldrei fallið niður og nú er teflt í 91. sinn. Að sjálfsögðu verður mjög til mótsins vandað og við reiknum með góðri þátttöku. 
Þarnæst hefst svo haustmótið; það verður með sama sniði og í fyrra og hefjast undanrásir þann 11. september. Frekari mótaáætlun er í smíðum og mun birtast innan skamms. 
Já, og svo eru það barnaæfingarnar! Við höldum sömu dagskrá og í fyrra; almenni flokkurinn á mánudögum kl. 16:45; framhaldsflokkur á þriðjudögum kl. 14:30 og opin æfing fyrir báða flokka á fimmtudögum kl. 14:30.

Sumsé svona:
Sunnudaginn 31. ágúst kl. 13.00  STARTMÓTIÐ
Mánudaginn 1. september kl. 16:45 ÆFING, almennur flokkur
Þriðjudaginn 2. september kl. 14:30 ÆFING, framhaldsflokkur
Föstudaginn 5.september kl. 18.00 SKÁKÞING NORÐLENDINGA 1-3. umferð
Laugardaginn 6. september kl. 11:00 SKÁKÞING NORÐLENDINGA 4-7. umferð
Laugardaginn 6. september kl. 16:00 HRAÐSKÁKMÓT NORÐLENDINGA
Sunnudaginn 7. september kl. 11:00 SKÁKÞING NORÐLENDINGA 8-11. umferð
Fimmtudaginn 11. september kl. 18:00 HAUSTMÓTIÐ, undanrásir 1-2. umferð
Föstudaginn 12. september kl. 18:00 HAUSTMÓTIÐ, undanrásir 3-4. umferð
Laugardaginn 13. september kl. 13:00 HAUSTMÓTIÐ, undanrásir 5-6. umferð 
Opnu æfingarnar á fimmtudögum hefjast 18. september

 

Júnískákmótið á fimmtudaginn.

Þrátt fyrir rólegheit hjá félaginu um þessar mundir höldum við okkur við þá hefð að efna til a.m.k. eins skákmóts í hverjum hinna þriggja sumarmánaða. Júnímótið verður núna á fimmtudaginn 26. júní og hefst kl. 18.00. Tefld verður hraðskák (4-2). 

Fjögur jöfn og efst á vormóti barna

Tefldar voru sex umferðir eftir svissnesku kerfi og lokastaða þessi:

Nafn	vinn
Harpa Hrafney Karlsdóttir	5
Nökkvi Már Valsson	5
Sigþór Árni Sigurgeirsson	5
Viacheslav Kramarenko	5
Valur Darri Ásgrímsson	4
Baltasar Bragi Snæbjörnsson	4
Tony Rafn Óskarsson	4
Galaad Eyvindur Helios Lanckman	3
David Sula	3
Kolbeinn Arnfjörð Elvarsson	3
Iraklis Hrafn Theodoropoulos	3
Þorleifur Karl Kárason	3
Skírnir Soigursveinn Hjaltason	3
Dominik Wladyslav Wielgus	3
Björgvin Elvar Björgvinsson	2½
Bergur Snær Sverrisson	2
Viktor Valur Décioson	2
Blær Thoroddsen	2
Elma Lind Halldórsdóttir	2
Jón Gauti Sverrisson	1½
Elín Stefanía Sigurðardóttir	1

Þau Harpa, Nökkvi, Sigþór og Viacheslav teljast öll sigurvegarar mótsins. Þau tefldu hinsvegar til úrslita um verðlaunagripina. Þar reyndist Sigþór sigursælastur, Viacheslav varð annar og Harpa þriðja. Nökkvi hreppti svo verðlaun fyrir bestan árangur yngri barna.