Íslandsmeistarinn í netskák sigraði í raunheimum

Í kvöld fór fram 2. umferð TM-mótaraðarinnar. Átta skákmenn mættu og tefldu hraðskák tvisvar sinnum við hvern andstæðing, samtals 14 skákir á mann.

Það bar helst til tíðinda að Jón Kristinn og Ólafur Kristjánsson háðu harða baráttu um 1. sætið. Þeir áttust við í lokaumferðinni og hafði Ólfur þá hálfs vinnings forskot á Jón. Svo fór að Jón sigraði í báðum skákunum og þar með í keppni kvöldsins.

Lokastaðan varð sem hér segir:

Jón Kristinn Þorgeirsson	11
Ólafur Kristjánsson	9,5
Smári Ólafsson	8,5
Sigurður Arnarson	8
Sigurður Eiríksson	7,5
Haraldur Haraldsson	7
Kristinn P. Magnússson	4,5
Heiðar Ólafsson	0

TM-mótaröðin 2. umferð í kvöld

Í kvöld kl. 20.00 fer 2. umferð TM-mótaraðarinnar fram. Tefldar verða hraðskákir og hefst keppnin kl. 20.00.

Jón Kristinn Þorgeirsson Íslandsmeistari í netskák

Frábær árangur Akureyringa;Þrír Íslandsmeistarar í netskák!

Akureyringurinn knái.Jón Kristinn Þorgeirsson sigraði af fádæma öryggi í Íslandsmótinu í netskák sem fram fór sunnudaginn 15 janúar.

Jón var í algjörum sérflokki á mótinu.Hann fékk 10 1/2 vinning í 11 skákum,1 1/2 vinning meira en næsti maður.Leyfði aðeins eitt jafntefli gegn fráfarandi sexföldum íslandsmeistara,FIDE meistaranum Davíð Kjartanssyni.Magnús örn Úlfarsson FIDE meistari varð í öðru sæti með 9 vinninga og Davíð í þriðja með 8 vinninga.

57 keppendur tóku þa´tt og voru sex aukaverðlaun veitt í jafnmörgum flokkum,tvenn þeirra hlutu íbúar Akureyrar.Elsa maría Kristínardóttir sigraði af miklu öryggi í kvennaflokki,hún fékk 7 vinninga og lenti í 8.sæti í heildarmótinu.

FIDE meistarinn Áskell örn Kárason formaður skákfélags Akureyrar,stóð sig best í flokki 60 ára og eldri.Hann fékk sjö vinninga og endaði í 7.sæti í mótinu.

Nokkrir fleiri íbúar bæjarins,sem og brottfluttir félagar í skákfélaginu tóku einnig þátt.Sem dæmi má nefna Arnar Þorsteinsson með 7 vinninga,hálfum vinning meira en Halldór Brynjar Halldórsson sem endaði í 10.sæti.

Í fyrstu 10 sætunum enduðu 4 félagsmenn í SA auk Elsu Maríu sem teflir mikið á vegum félagsins.

Fréttaritari óskar Öllu þessu fólki til hamingju.