Mót fellt niður

Fyrirhugað 10 mín mót sem átti að halda í dag fellur niður. Skákmenn munu þess í stað undirbúa sig undir Íslandsmót skákfélaga um næstu helgi.

 

Arnar Smári og Fannar Breki skólaskákmeistarar

SPRETTSMÓTIÐ, sem er Skákþing Akureyrar í yngri flokkum og skólaskákmó Akureyrar, var háð í gær, laugardaginn 25. febrúar. 

Í skólaskákinni var keppt í tveimur flokkum, 1-7. bekk og 8-10. bekk.

Á Skákþinginu var keppt um meistaratitil í þremur aldursflokkum, barnaflokki (fædd 2006 og síðar); flokki 11-12 ára (fædd 2004 0g 2005) og flokki 13-15 ára (fædd 2001-2003).

Tefldar voru sjö umferðir og urðu heildarúrslit þessi:

• Arnar Smári Signýjarson, Giljaskóla               5,5  (Skólaskákmeistari í eldri flokki, Akureyrarmeistari í flokki 13-15 ára)
• Fannar Breki Kárason, Glerárskóla                 5,5  (Skólaskákmeistari í yngri flokki, Akureyrarmeistari í flokki 11-12 ára)
• Gabríel Freyr Björnsson, Brekkuskóla              5
• Ágúst Ívar Árnason, Lundarskóla                   5
• Davíð Þór Þorsteinsson, Síðuskóla                 5
• Ingólfur Árni Benediktsson, Naustaskóla           4  (Akureyrarmeistari í barnaflokki)
• Tumi Snær Sigurðsson, Brekkuskóla                 4
• Jökull Máni Kárason, Glerárskóla                  3,5
• Vignir Otri Elvarsson, Lundarskóla                3
• Daði Örn Gunnarsson, Síðuskóla                    3
• Vilhjálmur Svanberg Arngrímsson, Lundarskóla      3
• Hallfríður Anna Benediktsdóttir, Naustaskóla      3
• Sölvi Steinn Sveinsson, Naustaskóla               3
• Snæbjörn Þórðarson, Naustaskóla                   2,5
• Heiðar Snær Barkarson, Naustaskóla                1

 Davíð Þór varð annar í eldri flokki í skólaskák, Tumi Snær varð þriðji.

Þeir Gabríel Freyr og Ágúst Ívar urðu í 2-3. sæti í yngri flokki.

Þeir Arnar Smári og Fannar Breki munu svo tefla til úrslita um sigurinn á mótinu og tiltilinn „Skákmeistari Akureyrar í yngri flokkum 2017“ nk. þriðjudag, 28. febrúar.

 

Jón Kristinn Akureyrarmeistari annað árið í röð!

Í dramatískri úrslitakeppni sem lauk í dag með skák Andra Freys Björrgvinssonar og Jóns Kristins Þorgeirssonar reyndist skákgyðjan á bandi meistara Jóns Kristins, sem núorðið vinnur flest mót hér norðan heiða. Andri Freyr varð nauðsynlega að vinna skák dagsins til þess að framlengja úrslitakeppnina um 87. Akureyrarmeistaratitilinn í skák. Í þrikeppninni um titilinn hafði hann tapað fyrir Tómasi Veigari Sigurðarsyni sem svo mátti lúta í gras fyrir Jóni Kristni. Þeim síðastnefnda nægði því jafntefli til að landa sigrinum og titlinum. Hann mátti þí hafa sig allan við í dag. Skák þeirra félaga varð snemma mjög flókin, Jón tímanaumur og lét af hendi skiptamun fyrir spil. Allt var í járnum lengi vel og vörn Andra erfið, en um leið blasti við að liðsmunurinn væri honum í vil ef honum tæksit að hrinda sókninni. Líklega fékk hann tækifæri til þess, en missti af því og með laglegum hnykk náði Jón svo að snúa á hann. Lauk skákinni með laglegri fléttu þar sem lokastefið var s.k. fjölskylduskák; riddari gafflaði bæði drottningu oh kóng. Við það réð Andri ekki og lagði upp vopnin. Þeir þrír röðuðu sér því í efstu sætin:

1. Jón Kristinn Þorgeirsson    6+2

2. Tómas Veigar Sigurðarson    6+1

3. Andri Freyr Björgvinsson    6+0