Atskákmótið: enn einn titillinn til Jóns Kristins!

Atskákmóti Akureyrar lauk í gær, með þremur umferðum, en fjórar fyrstu umferðirnar voru tefldar á fimmtudagskvöld. Taflið í gær hófst með mörgum spennandi skákum, m.a. mættust tveirm efstu mennirnir, þeir Ólafur og Jón Kristinn. Sá fyrrnefndi fékk yfirburðastöðu en Jón varðist af hörku og undir það síðasta missti Ólafur tökin á stöðunni í miklu tímahraki og féll svo á tíma. Þar með var hann búinn að missa forystuna í hendur Jóni, sem ekki lét hana af hendi eftir það. Lokaúrslit urðu þessi:

 

Jón Kristinn Þorgeirsson     6

Smári Ólafsson               5,5

Ólafur Kristjánsson          5

Andri Freyr Björgvinsson     4,5

Stefán Arnalds og 

Hjörtur Steinbergsson        4

Ísak Orri Karlsson           3

Fannar Breki Kárason         2

Ágúst Ívar Árnason           1

Heiðar Ólafsson              1

Sjá nánar á Chess-results.

Atskákmótið: Ólafur í forystu eftir fyrri hlutann

Atskákmót Akureyrar hófst í gærkvöldi og voru þá tefldar fjórar umferðir. Tíu keppendur mættu til leiks kl. 18, og tveir til viðbótar kl. 20. Þeir höfðu aðeins mislesið auglýsinguna og urðu því af mótinu í þetta sinn. Nú þegar mótið er rúmlega hálfnað hefur aldursforsetinn, Ólafur Kristjánsson nauma forystu, með 3,5 vinning, en næstir koma þeir Stefán Arnalds og Jón Kristinn Þorgeirsson með 3 vinninga. Smári Ólafsson hefur 2,5 og þeir Andri Freyr Björgvinsson, Hjörtur Steinbergsson og Ísak Orri Karlsson hafa 2 vinninga, en aðrir minna. 

Mótinu verður fram haldið á sunnudaginn og hefst kl. 13. Þá tefla m.a. saman í 5. umferð þeir Ólafur og Jón Kristinn, Smári og Stefán. Annars má sjá öll úrslit og stöðuna á       Chess-results.

Atskákmót Akureyrar

Atskákmótið er klárlega eitt af höfuðmótum félagsins, enda bundið í lög. Mótið hefst fimmtudaginn 27.október og verður fram haldið sunnudaginn 30. október. Tefldar verða 25 mínútna skákir.

Dagskrá:

27. október kl. 18.00 1-4. umferð

30, október kl. 13.00 5.7. umferð

Að venju er öllum heimil þátttaka,ungum sem öldnum. Sérstaklega eru þeir hvattir til að mæta sem sækjast eftir rólegri tímamörkum en tíðkast á hraðskákmótum félagsins. 

Síðast en ekki síst: Mótið verður reiknað til alþjóðlegra atskákstiga!