10 mínútna mót ,Úrslit.

Í kvöld mættu 8 víghreyfir skákmenn til leiks. Var hart barist á hvítum reitum og svörtum,eins og við var að búast.Aldursforsetinn Ólafur Kristjánsson taldi sig eitthvað lélegan í annarri löppinni ,akkurat þeirri sem hann hugsaði með ! og lét fylgja með sögu frá viðureign tveggja skákmanna frá 1960 er Ingi R Jóhannson tapaði óvænt fyrir Ingvari Ásmundssyni ,þar afsakaði Ingi tapið með því að hann væri í allt of þröngum skóm ! Var það eitthvað að trufla hann meðan á skákinni stóð ,sagt var að Ingvar hafi glott við tönn er hann heyrði þetta.En Ólafur lék á als Oddi í mótinu og tapaði aðeins einni skák ,Þeirri fyrstu fyrir Haraldi en síðan var löppin alheil og Hann tefldi eins og snillingur til loka móts ,eins og Kennarinn Sigurður Arnarsson sem fékk jafn marga vinninga og tapaði aðeins fyrir ólafi.

Annars urðu úrslit eins og hér segir.

1-2 Ólafur Kristjánsson      6 vinninga

1-2 Sigurður Arnarsson       6 vinninga

3.Andri Freyr Björgvinsson   5.vinninga

4.Haraldur haraldsson        4 vinninga

5-6.Smári Ólafsson           3 vinninga

5-6.Karl Egill Steingrímsson  3. vinninga

7. Hjörtur Steinbergsson     1 vinninga

8.Heiðar Ólason              0 vinninga     

10 mínútna mót

Á morgun, fimmtudaginn 9. febrúar, verður haldið 10 mínútna mót hjá Skákfélaginu.
Mótið hefst kl. 20.00 og skráning fer fram á staðnum.

Þrímennt á toppnum

Í dag var fimmta umferð skákþingsins telfd. Á fyrsta borði tefldi forystusveinninn Andri Freyr við Tómas Veigar tefldu báðir snarplega. Andri missti þó þráðinn í miðtaflinu og mátti gefa skiptamun fyrir litlar bætur. Þá var komið að Tómasi að glopra þræðinum niður en þegar Andri virtist vera að snúa taflinu sér í vil gerðist hann veiðibráður og lék því niður í tap. Þeir félagar eru því jafnir á toppnum með fjóra vinninga og í þeirra hóp slóst einnig Jón Kristinn, sem lagði Hrein örugglega að velli. Dáindiskeppendurnir Sveinbjörn og Ulker sömdu um skiptan hlut og var sú síðarnefnda þó með tögl og halgdir í lokastöðunni, en var tímanaum og treysti sér ekki í harkið gegn svo slægum skákjöfri sem Sveinbjörn er. Alex Cambray fékk snemma yfirburðatafl gegn Karli sem aldrei fékk rönd við reist og náði ekki teljandi mótspili þrátt fyrir viðleitni í þá átt. Haraldur lagði svo Ágúst með kóngsbragð að vopni og hinn yngisveinninn, Fannar Breki, beið og lægri hlut í sinni skák sem var gegn Heiðari.

Þegar tveimur umferðum er ólokið eru áðurnefndir þremenningar efstir og jafnir með fjóra vinninga, Sveinbjörn, Ulker og Alex hafa þrjá; Haraldur og Hreinn tvo og hálfan en aðrir minna.

Í sjöttu og næstsíðustu umferð sem háð verður næsta sunnudag eigast þessi við:

Andri-Sveinbjörn

Tómas-Ulker

Haraldur-Jón Kristinn

Hreinn-Alex

Heiðar-Gabríel

Ágúst-Fannar

Karl situr hjá

Chess-results