Jón Kristinn Akureyrarmeistari annað árið í röð!

Í dramatískri úrslitakeppni sem lauk í dag með skák Andra Freys Björrgvinssonar og Jóns Kristins Þorgeirssonar reyndist skákgyðjan á bandi meistara Jóns Kristins, sem núorðið vinnur flest mót hér norðan heiða. Andri Freyr varð nauðsynlega að vinna skák dagsins til þess að framlengja úrslitakeppnina um 87. Akureyrarmeistaratitilinn í skák. Í þrikeppninni um titilinn hafði hann tapað fyrir Tómasi Veigari Sigurðarsyni sem svo mátti lúta í gras fyrir Jóni Kristni. Þeim síðastnefnda nægði því jafntefli til að landa sigrinum og titlinum. Hann mátti þí hafa sig allan við í dag. Skák þeirra félaga varð snemma mjög flókin, Jón tímanaumur og lét af hendi skiptamun fyrir spil. Allt var í járnum lengi vel og vörn Andra erfið, en um leið blasti við að liðsmunurinn væri honum í vil ef honum tæksit að hrinda sókninni. Líklega fékk hann tækifæri til þess, en missti af því og með laglegum hnykk náði Jón svo að snúa á hann. Lauk skákinni með laglegri fléttu þar sem lokastefið var s.k. fjölskylduskák; riddari gafflaði bæði drottningu oh kóng. Við það réð Andri ekki og lagði upp vopnin. Þeir þrír röðuðu sér því í efstu sætin:

1. Jón Kristinn Þorgeirsson    6+2

2. Tómas Veigar Sigurðarson    6+1

3. Andri Freyr Björgvinsson    6+0

Halldór Brynjar: Veni vidi vici

Á fimmtudaginn fór fram 4. umferð TM-mótaraðarinnar. Halldór Brynjar kom sá og sigraði. Hann lagði alla andstæðinga sína af velli, en tefldar voru hraðskákir. Á milli umferða fylgdust keppendur af kappi með skák Jóns Kristins og Tómasar Veigars.

Lokastaða:

Halldór Brynjar Halldórsson	8
Áskell Örn Kárason	6
Andri Freyr Björgvinsson	5
Elsa María Kristínardóttir	5
Haki Jóhannesson	4,5
Haraldur Haraldsson	3
Sigurður Arnarson	3
Heiðar Ólafsson	1
Hilmir Vilhjálmsson		0

Heildarstaðan:

	12.jan	19.01.	16.feb	23.feb	Samtals
Jón Kristinn Þorgeirsson	7	11			18
Sigurður Arnarson	6	8		3	17
Haraldur Haraldsson		7	6	3	16
Smári Ólafsson	1,5	8,5	6		16
Áskell Örn Kárason			9	6	15
Ólafur Kristjánsson	5	9,5			14,5
Sigurður Eiríksson		7,5	7		14,5
Andri Freyr Björgvinsson			8	5	13
Elsa María Kristínardóttir			6	5	11
Halldór Brynjar Halldórsson				8	8
Haki Jóhannesson			6	4,5	10,5
Kristinn P. Magnússson		4,5			4,5
Karl Steingrímsson			4		4
Heiðar Ólafsson		0	1	1	2
Sveinbjörn Sigurðsson			2		2
Alex C. Orrason	0,5				0,5
Hilmir Vilhjálmsson			0	0	0