Fléttur og frípeð

Fimmtudaginn 2. febrúar verður skákfyrirlestur í Íþróttahöllinni á Akureyri. Þá mun Sigurður Arnarson fjalla um og sýna nokkrar fléttur þar sem frípeð koma við sögu. Sumar flétturnar eru einfaldar en aðrar töluvert flóknari. Allar eru þær glæsilegar. Meðal þeirra sem eiga þarna skákir sem sýndar verða eru gamlar hetjur eins og Kotov, Alekhine, Spassky og Polugaevsky ásamt ofurstórmeisturum eins og Anand og Jakovenko. Að auki eru nokkrar fallegar fléttur minna þekktra skákmanna eins og Andra Freys Björgvinssonar.
Fyrirlesturinn er öllum opinn og gert er ráð fyrir athugasemdum úr sal. Dagskráin hefst kl. 20.00.

Tómas vann Skákdagsmótið

Þegar hefur verið gerð grein fyrir skólamótunum fjórum sem háð voru á skákdaginn. Um kvöldið var svo einnig efnt til móts á Skákheimilinu. Þar voru telfdar skákir með umhjugsunartímanum 5-3 og lauk mótinu svo:

Tómas Veigar Sigurðarson 11 af 12

Haraldur Haraldsson       9

Sigurður Arnarson         8

Sigurður Eiríksson        6

Kristinn P. Magnússon     6

Ulker Gasanova            2

Heiðar Ólafsson           0

 

Enginn dráttur í kvöld.....

Fjórðu umferð skákþingsins lýkur ekki í kvöld, mánudag, eins og auglýst hafði verið. Frestuð skák Tómasar og Karls var vissulega tefld eins og ráð var fyrir gert og lauk með sigri hins fyrrnefnda.  Önnur tilraun verður hinsvegar gerð til að útkljá skák Haraldar og Alex yfir borðinu (ekki skráð 1-0 fyrir Harald ótefld) og gerist það væntanlega nk. miðvikudag.  Röðun fimmtu umferðar bíður þessvegna enn um tvo daga. Fyrir liggur þó að staða efstu manna breytist ekki, þ.e. Andri er efstur með fullt hús - fjóra vinninga og þeir Jón Kristinn og Tómas koma næstir með þrjá.

En sumsé - frekari tíðnda að vænta á miðvikudagskvöldið.