Næstu mót

Smávægilegar breytingar hafa orðið á áður auglýstri dagskrá. Mótaáætlun verður birt hér á heimsíðunni á næstu dögum, en þetta er helst næstu tvær vikur:

Fimmtudag 14. september: Mótaröðin, fyrsta lota kl. 20.00

Sunnudag 17. september: Haustmót, fyrri hluti I kl. 13.00

Mánudag 18. september: Aðalfundur Skákfélagsins kl. 20.00

Fimmtudag 21. september: Haustmót, fyrri hluti II kl. 18.00

Sunnudag 24. september: Haustmót, fyrsta umferð síðari hluta kl. 13.00

Nánari auglýsing um haustmótið kemur inn á morgun, en mótið verður tvískipt; atskákir tefldar í fyrri hluta, kappskákir í þeim síðari. 

 

Opið hús á sunnudag kl. 13

Dagskrá ræðst af mætingu, en m.a. gefst hér tækifæri til að ræða og fjalla um dagskrá nýhafinnar skáktíðar. Aðalfundur og haustmót er í vændum á næstu dögum.

Evrópumót ungmenna

Þessa daganna fer fram Evrópumót ungmenna  í Mamaia í Rúmeníu. Sex íslenskir fulltrúar taka þátt í mótinu og þar af eru tveir frá Skákfélagi Akureyrar, þeir Jón Kristinn Þorgeirsson og Símon Þórhallsson. Þeir tefla báðir í flokki 18 ára og yngri. Á styrkleikalista mótsins er Jón í 58. sæti og Símon í 73. sæti. Alls eru 86 keppendur í flokknum. Þegar þetta er ritað hefur ein umferð farið fram. Jón gerði jafntefli við FIDE-meistara en Símon laut í gras í sinni skák.
Úrslit og aðrar upplýsingar má finna hér.