Jón Kristinn og Óliver skólaskákmeistarar

Á laugardaginn var háð Skákþing Akureyrar í yngri flokkum sem jafnframt var Skólaskákmót Akureyrar. Þátttaka hefði mátt vera meiri, en ákaflega góðmennt var á mótinu. Að venju hafði Jón Kristinn Þorgeirsson nokkra yfirburði og vann allar sínar skákir, sjö að tölu. Annar varð jafnaldri hans Benedikt Stefánsson úr Hörgárdal og vann han alla aðra en Jón. Óliver Ísak Ólason tapaði fyrir Jóni og Benedikt en lagði alla aðra að velli.

Flokkaskipting í Skákþinginu og Skólaskákmótinu er ekki alveg sú sama en sigurvegarar í einstökum flokkum urðu þessir:

Skákþing Akureyrar:

Drengjaflokkur (fædd 1999-2001) 1.Jón Kristinn Þorgeirsson 2. Benedikt Stefánsson

Piltaflokkur (fædd 2002 og 2003) 1. Óliver Ísak Ólason 2. Auðunn Elfar Þórarinsson

Barnaflokkur (fædd 2004 og síðar) 1. Gabríel Freyr Björnsson

Engin stúlka var meðal keppenda að þessu sinni.

Skólaskákmót Akureyrar:

Yngri flokkur (1-7. bekkur) 1. Óliver Ísak Ólason (Brekkuskóla) 2. Gabríel Freyr Björnsson (Brekkuskóla) 3. Auðunn Elfar Þórarinsson (Lundarskóla)

Eldri flokkur (8-10. bekkur) 1. Jón Kristinn Þorgeirsson (Lundarskóla). Benedikt sem varð í öðru sæti tekur þátt í skólaskák undir merkjum Eyfirðinga.

Aðrir keppendur á mótinu voru Gunnar Breki Gíslason, Tumi Sigurðsson og Roman Darri Stevenson Bos.

Mótið fór afar vel fram - þrír þátttakenda hrepptu páskaegg og allir fengu magafylli af pizzu frá Jóni Spretti.