Akureyrarmót yngri flokka; Sigþór og Vjatsjeslav meistarar.

Seinni dagur mótsins var í dag. Mikil spenna hljóp í baráttuna um sigurinn þegar Valur Darri lagði Sigþór að velli í næstsíðustu umferð og náði honum það með að vinningum. Leit því allt út fyrir að þeir yrðu að heyja einvígi um meistaratitilinn, en til þess kom þó ekki þar sem Valur Darri beið lægri hlut fyrir Jesper Tóa í lokaumferðinni meðan Sigþór lagði Einar Erni að velli. 
Í baráttunni um barnameistaratitilinn (f. 2013 og síðar), hafði Vjatsjeslav "Slava" Kramarenko forystuna allan tímann. Ekki mátti þó mikið út af bera, því Gabríel Máni Jónsson (sem er nýorðinn 8 ára!) hefði með sigri í skák þeirra í lokaumferðinni náð að komast upp fyrir hann. Slava tókst hinsvegar að vinna þá skák. 

Lokaniðurstaðan skv. Chess-results:
 

 

 

 

 

 

 

 

Niðurstaðan í unglingaflokki:
1. Sigþór 2. Valur Darri 3. Kristian
Niðurstaðan í barnaflokki:
1. Vjatsjeslav  2. Bjarki Leó 3. Gabríel Máni

Sigþór efstur á barnamótinu

Skákum er lokið á fyrri degi Skákþings Akureyrar fyrir yngri flokka (Akureyrarmót barna). Tefldar voru fjórar umferðir. Sigþór Árni Sigurgeirsson er efstur að þeim loknum með fullt hús vinninga, en næstir koma þeir Vjatsjeslav Kramarenko, Valur Darri Ásgrímsson og Kristian Már Bernharðsson, allir með þrjá vinninga.
Sjá heildarstöðuna á chess-results.

Seinni umferðirnar þrjár verða tefldar á morgun og hefst taflið kl. 13

Skákþing Akureyrar - yngri flokkar

Mótið fer fram dagana 24. og 25. febrúar nk.
Teflt verður um Akureyrarmeistaratitil í tveimur aldursflokkum:
Unglingaflokki (f. 2008-2012) og
barnaflokki (f. 2013 og síðar).

Dagskrá: 
Laugardagur 24. febrúar kl. 13.00. Umferð 1-4.
Sunnudagur 25. febrúar kl. 13.00. Umferð 5-7.
Gert er ráð fyrir sjö umferðum, en lokaákvörðun um fjölda umferða verður tekin þegar fjöldi þátttakenda liggur fyrir (6, 7 eða 8 umferðir).
Einnig hvort allir tefla saman í einum flokki eða hvort mótið verður alveg tvískit.  

Umhugsunartími:
10-3, þ.e. 10 mín. fyrir skákina og svo bætast við 3 sek. fyrir hvern leik.

Mótið verður reiknað til alþjóðlegra atskákstiga (FIDE).

Skráning: Ekki er nauðsynlegt að skrá sig fyrirfram. Skráning verður á staðum og lokað fyrir skráningu ca. 5. mín. fyrir upphaf móts. 

Teflt verður í Rósenborg (gengið inn niðri - að austan).