Skákdagurinn mikli

Þann 26. janúar árið 1935 fæddist Friðrik Ólafsson. Hann varð fyrsti stórmeistari Íslendinga í skák og formaður alþjóða skáksambandsins FIDE í nokkur ár. Til að heiðra Friðrik var ákveðið fyrir nokkrum árum að halda upp á 26. janúar ár hvert með því að halda skákdaginn mikla. Skákfélagið heldur að sjálfsögðu upp á daginn. Skákmót verða haldin í 4 skólum á vegum félagsins, Brekkuskóla, Lundarskóla, Naustaskóla og Síðuskóla.

Um kvöldið munu svo félagar og velunnarar félagsins setjast að tafli í skákheimilinu í Íþróttahöllinni. Teflt verður frá kl. 20.00 með tímamörkunum 5+3. Það merkir að hver þátttakandi fær 5 mínútur á hverja skák en að auki bætast við 3 sek. fyrir hvern leik.