Minningarmót um Gunnlaug Guðmundsson

sunnudagur 10.maí.09

Haki Jóhannesson

Haki Jóhannesson sigraði á Minningarmótinu um Gunnlaug Guðmundsson, sem var mjög jafn og spennandi, sem

fór fram í dag. Haki varð efstur ásamt Mikael Jóhanni Karlssyni með 8,5 vinning af 15. En Haki hafði betur eftir bráðabana 2 - 1.  Þrír keppendur fengu hálfan vinning minna, en þeir voru Sigurður Arnarson, Sigurður Eiríksson og Sveinbjörn Sigurðsson með 8 v., og Atli Benediktsson varð sjötti með 4 vinninga.

Keppendur voru sex og voru tefldar 15 umferðir, þrjár lotur. Eftir fyrstu lotu voru þeir nafnar í neðsta sæti og Sveinbjörn var efstur. Sveinbjörn var enn efstur eftir tvær lotur, vinnings forskot á Sigurð Eiríksson. Fyrir síðustu umferð voru Sveinbjörn og Sigurður E. jafnir og efstir, en töpuðu báðir í loka umferðinni, Sveinbjörn gegn Haka, og Sigurður gegn nafna sínum Sigurði Arnarsyni. Sigurður Arnarson vann auka keppni um þriðja sætið, fékk 2 v. Sigurður E. fékk 1 v. og Sveinbjörn fékk 0, en hann var nánast út allt mótið efstur, en tap í síðustu umferð féll hann úr fyrsta sæti niður í það fimmta og næðst neðsta.

Keppt er um farandbikar gefin af fjölskyldu Gunnlaugs Guðmundssonar fyrrverandi formanns Skákfélags Akureyrar og var þetta mót haldið í fimmta sinn. Í dag er einmitt 68 ár frá fæðingu Gunnlaugs,(f. 10.5. 1941)  en hann andaðist 2004.