Jón Kristinn hraðskákmeistari

Hausthraðskákmótið var háð sl. sunnudag, 29. október. Þar var að venju barist um sæmdartitilinn "Hraðskámeistari Skákfélags Akureyrar" og voru átta kappar mættir til þess að útkljá þá baráttu. Eins og stundum  áður var það yngsti keppanfinn, Jón Kristinn Þorgeirsson sem sigraði með nokkrum yfirburðurm. Hann vann allar skákirnar nema eina. Sá sem lagði hann að velli var einmitt elsti keppandinn og er sá meira en hálfri öld eldri en sigurvegarinn. Þetta er Ólafur Kristjánsson sem hafnaði í öðru sæti, ásamt Áskeli Erni Kárasyni. Öll úrslit hér:

Jón Kristinn Þorgeirsson	13
Ólafur Kristjánsson	9½
Áskell Örn Kárason	9½
Sigurður Eiríksson	7
Haraldur Haraldsson	7
Sigurður Arnarson	5
Smári Ólafsson	4
Eymundur Eymundsson	1

Haustmót yngri flokka 6. nóvember

Haustmótið verður teflt mánudaginn 6. nóvember og hefst kl. 16.30

Tilvalið mót fyrir þá krakka sem eru að æfa með okkur og raunar opið öllum áhugasömum krökkum á grunnskólaaldri (meðan húsrúm leyfir!)

Fyrirkomulag:

Tefldar verða 7 umferðir.

Umhugsunartími er 10 mínútur á keppanda í hverri skák.

Teflt verður um eftirfarandi titla:

• Skákmeistari SA í barnaflokki – fædd 2007 og síðar.
• Skákmeistari SA í flokki 11-13 ára – fædd 2006, 2005 og 2004
• Skákmeistari SA í flokki 14-15 ára – fædd 2003 og 2002
• Skákmeistari SA í yngri flokkum – allir aldursflokkar samanlagðir.

 

Aðrar upplýsingar:

• Skráning á staðnum frá 16.00
• Mótið tekur u.þ.b. tvo tíma.
• Ekkert keppnisgjald.
• Úrslitum lýst í mótslok, en verðlaunafhending verður á uppskeruhátíð haustmisseris í desember.

Núverandi meistarar eru;

Í barnaflokki:  Brynja Karitas Thoroddsen, Jóel Snær Davíðsson og Ingólfur Árni Benediktsson

Í flokki 11-13 ára: Fannar Breki Kárason

Í flokki 14-15 ára: Tumi Snær Sigurðsson

Núverandi Skákmeistari SA í yngri flokkum er Fannar Breki Kárason