5. umferð Skákþingsins:

Haraldur með sitt fyrsta jafntefli

Fimmtu umferð Skákþings Akureyrar lauk í kvöld með tveimur skákum, en hinar þrjár voru tefldar í gær, sunnudag. Úrslit í skákunum urðu þessi:

Sigurður-Símon           0-1

Hreinn-Karl                 1/2

Hjörleifur-Jón Kristinn 1-0

Andri-Jakob                 1-0

Haraldur-Rúnar           1/2

Að venju var hart barist og nokkuð um óvænt úrslit í þessari umferð. Þannig varð forystusauðurinn Haraldur að sætta sig við sitt fyrsta jafntefli í skák sinni við Rúnar og á hinum endanum var það Hreinn sem lok komst á blað með jafntefli við Karl. Maður umferðarinnar var hinsvegar tvímælalaust Símon Þórhallsson sem lagði læriföður sinn að velli, en rúm 600 stig skilja þá að á stigatöflunni. Jón Kristinn hefur átt erfitt uppdráttar á mótinu og mátti nún játa sig sigraðan af Akureyrarmeistaranum frá í fyrra.

Þrátt fyrir jafnteflið er Haraldur enn langefstur með 4.5 vinning eftir 5 umferðir og hefur eins og hálfs vinnings forskot á þá Andra Frey og Jakob, sem nú vann sína þriðju skák í röð eftir tvö töp í upphafi móts. Sjötta umferð mótsins er svo tefld strax á morgun og þá eigast m.a. við Jakob og Haraldur og Sigurður og Andri Freyr.

Chess-Results