Næstu mót

Nýársmót SA fer að þessu sinni fram á nýársdag, rétt eins og mörg undanfarin ár. Mótið hefst kl. 14 og tefldar verða hraðskákir.

Skákþing Akureyrar hefst þann 8. janúar. Nánar verður greint frá því móti fljótlega en teflt verður á sunnudögum kl. 13.00.

Óvæntur sigur brekkusnigla

 

Í kvöld fór fram hin árlega hverfakeppni Skákfélags Akureyrar. Tvö 10 manna lið mættu til keppni. Í öðru voru brekkusniglar og nágrannar en í hinu voru þorparar og eyrarpúkar. Keppendur voru á öllum aldri og báðum kynjum.

Fyrst var keppt í 15 mín skákum og eins og vænta mátti lögðu þorparar brekkusnigla nokkuð örugglega með 5,5 vinningi gegn 4,5 vinningum, enda eru þeir betri í atskákunum.

Síðan fór fram bændaglíma í hraðskák. Allir keppendur í hvoru liði öttu kappi við alla keppendur hins liðsins. Eins og vænta mátti var hart barist og flestar umferðirnar voru nokkuð jafnar. Svo fór að lokuð að brekkusniglarnir unnu nauman og óvæntan sigur. Þeir hlutu samtals 60 vinninga gegn 40.

Bestum árangri brekkusnigla náði Jón Kristinn Þorgeirsson. Sýndi hann af sér mikla ósvífni og lagði alla andstæðinga sína og hlaut 10 vinninga. Litlu ósvífnari voru þeir Rúnar Sigurpálsson og Andri Freyr Björgvinsson. Þeir fengu 9,5 vinninga.
Bestum árangri þorpara náði Smári Ólafsson. Hann hlaut 7 vinninga.

Í atskákunum urðu úrslit sem hér segir:

Sigurður Arnarson	Rúnar	0-1
Ólafur	Jón Kristinn	0-1
Smári	Andri Freyr	0-1
Sigurður Eiríksson	Tómas	1-0
Hjörleifur	Elsa	1-0
Eymundur	Kristinn	0-1
Hreinn	Haki	1/2-1/2
Hjörtur	Karl	1-0
Heiðar	Hilmir	1-0
Fannar	Ágúst	1-0
Samtals		5,5-4,5

 

Árangur einstaklinga í hraðskákinni varð sem hér segir:

Brekkusniglar:

Jón Kristinn	10
Rúnar	9,5
Andri Freyr	9,5
Tómas	6,5
Elsa	6
Haki	6
Karl	6
Kristinn	5,5
Ágúst	1
Hilmir	0
		60

Þorparar

Smári	7
Sigurður Arnarson	6,5
Ólafur	5
Sigurður Eiríksson	4,5
Eymundur	4
Hjörleifur	3,5
Hreinn	3,5
Hjörtur	3
Fannar	2
Heiðar	1
		40

 

Úrslit Jólahraðskákmótsins

Ungir sem aldnir fjölmenntu á Jólahraðskákmótið sem fór fram 22. desember. Alls voru það 16 sem létu sjá sig að þessu sinni og er það með betra móti. Sigurvegari mótsins að þessu sinni var Jón Kristinn og þarf það ekki að koma mörgum á óvart. Baráttan var hinsvegar harðari um næstu sæti á eftir honum. Það fór svo að Elsa lauk keppni í 2. sæti og Sigurður Arnarson í því þriðja. 

 

1. Jón Krsitinn Þorgeirsson   14/15

2. Elsa María Kristínardóttir 12,5

3. Sigurður Arnarson          11,5

4-5. Andri Freyr Björgvinsson 10,5

4-5. Tómas Veigar Sigurðarson 10,5

6. Ingimar Jónsson            10

7-8. Haraldur Haraldsson      9,5

7-8. Sigurður Eiríksson       9,5

9-10. Smári Ólafsson          8

9-10. Karl Steingrímsson      8

11. Haki Jóhannesson          5

12.Heiðar Ólafsson            4,5

13. Ágúst Ívar Árnason        3

14. Alexander Arnar Þórisson  2

15. Hilmir Vilhjálmsson       1

16. Alexía                    0,5