Sumarnámskeið SA fyrir börn og unglinga!

13. til 16. júní stendur Skákfélag Akureyrar fyrir sumarnámskeiði fyrir börn og unglinga. Við munum hittast daglega frá kl. 15-17 og skoða skák og margt sem henni við kemur. Á milli æfinga förum við í leiki til að hrista hópinn saman. Námskeiðið er ætlað krökkum frá 8 ára aldri og upp úr.

Aðalþjálfari á námskeiðinu verður Sigurður Arnarson sem er með þjálfararéttindi frá FIDE, Alþjóða skáksambandinu. Einnig mun Áskell Örn Kárason, sem einnig hefur þjálfararéttindi frá FIDE, miðla af sinni þekkingu reynslu. Aðrir skákmenn koma að þessu eins og þarf.

Námskeiðsgjöld eru aðeins 4000 krónur og renna óskiptar til unglingastarfs félagsins.

Skráning er hjá Sigurði Arnarsyni á netfangið [e-mail] eða á Facebooksíðu SA.

 

15 mínútna mót

úrslit í 15 mínútna mótinu í gær 

mættir voru 6 skákmenn og hafði Símon sigur eftir baráttu við Sigurð og Harald

og leyfði aðeins tvö jafntefli við fyrrnefnda kappa.

1. Símon þórhallsson          4. vinninga 

2. sigurður arnarsson         3 1/2 ---

3. Haraldur haraldsson        3 1/2 ----

4. Elsa María kristínardóttir 2 1/2 ----

5 karl Egill steingrímsson    1 1/2 ---

6. Hilmir Vilhjálmsson         0     ---

Uppskeruhátíð og grill

Nú ætlum við að enda skákvertíðina með stæl!

Sunnudaginn 29. maí kl. 11 verður blásið til leiks á VORMÓTINU, sem opið er fyrir alla hressa skákkrakka.

Verðlaunaafhending og grillveisla verður svo kl. 13. Pylsur í boði Alþjóðaskáksambandsins.