Norðurlandameistarar úr Skákfélaginu!

Íslenska ungmennalandsliðið í skák varð um helgina Norðurlandameistari í skólaskák. Teflt var á Hótel Lególandi í Billund við góðar og skemmtilegar aðstæður. Lokaumferðin var afar spennandi en Danir og Svíar veittu Íslendingum harða keppni. Um miðja umferðina leit út fyrir að Danir yrðu meistarar en þá snéru Íslendingar nokkrum skákum sér í hag og enduðu einum og hálfum vinningi á undan Dönum sem hrepptu silfrið. Svíar fengu svo brons.

Lokastaðan:

1.      Ísland 35½ v.

2.      Danmörk 34 v.

3.      Svíþjóð 33 v.

4.      Noregur 32½ v.

5.      Finnland 30 v.

6.      Færeyjar 15 v.

Lið Norðurlandameistaranna skipuðu: Mikael Jóhann Karlsson, Nökkvi Sverrisson, Dagur Ragnarsson, Oliver Aron Jóhannesson, Jón Kristinn Þorgeirsson, Dawid Kolka, Hilmir Freyr Heimisson, Felix Steinþórsson, Vignir Vatnar Stefánsson og Mykael Kravchuk. ´

Tveir af strákunum 10 kpmu úr Skákfélagi Akureyrar. Það eru þeir Mikael Jóhann og Jón Kristinn. Hinir komu úrr Skákfélaginu GM Helli. Taflfélagi Reykjavíkur, Skákdeild Fjölnis og Taflfélagi Vestmannaeyja,

Það þótti við hæfi að Jón Kristinn tæki við bikarnum fyrir hönd okkar þar sem hann var með bestan árangur Íslensku keppendanna mælt með frammistöðumati miðað við ELO stig.

Mikael Jóhann var 7. stigahæsti keppandinn í sínum flokki og endaði með 3,5 vinninga sem dugði honum í 4. sætið. Nökkvi hlaut jafnmarga vinninga og endaði sæti ofar. Mikael tefldi vel allt mótið en varð fyrir slysalegu tapi í 5. umferð.

Jón Kristinn var frábær í mótinu. Í fáeinum skákum fékk hann þó heldur verri stöðu úr byrjuninni en sýndi þá úr hverju hann er gerður og endaði með fjóra og hálfan vinning og hlaut silfurverðlaun í sínum flokki.  Flott frammistaða hjá honum og greinilegt að hann er mun sterkari skákmaður en stigin segja til um.  Hann var 6. stigahæsti skákmaðurinn í sínum flokki og endaði taplaus í 2. sæti með 4,5 vinninga. Árangurinn færir honum 29,7 alþjóðleg skákstig.

Skákfélag Akureyrar óskar sínum mönnum og öllu íslenska liðinu til hamingju með árangurinn.