Haustmót Skákfélags Akureyrar - Arionbankamótið

Haustmót Skákfélags Akureyrar verður í ár með nýju sniði.  Mótið verður teflt á tveimur helgum, dagana 28-30. september og 13-14. október. Telfdar verða 7 umferðir. Tímasetningar umferða og tímamörk eru sem hér segir:

 

 

1-2. umferð föstudaginn 28. sept kl. 20.00. Umhugsunartími 25 mín.

3. umferð laugardaginn 29. sept kl. 13.00. Umhugsunartími 60 mín + 30 sek. á leik.

4. umferð sunnudaginn 30. sept kl. 13.00. Umhugsunartími 60 mín + 30 sek. á leik.

5. umferð laugardaginn 13. okt kl. 13.00. Umhugsunartími 60 mín + 30 sek. á leik.

6. umferð laugardaginn 13. okt kl. 17.00. Umhugsunartími 60 mín + 30 sek. á leik.

7. umferð sunnudaginn 14. okt kl. 13.00. Umhugsunartími 60 mín + 30 sek. á leik.

Þátttökugjald er kr. 3000 fyrir félagsmenn SA, en kr. 3500 fyrir aðra. Unglingar f. 1996 og síðar greiða kr. 1500, en þeir sem greiða æfingagjald fyrir haustmisseri greiða ekkert aukalega fyrir þátttöku í haustmótinu.

Arion banki er aðalstyrktaraðili mótsins og verða veitt peningaverðlaun sem hér segir:

1. verðlaun kr. 20.000

2. verðlaun kr. 10.000

3. verðlaun kr. 6.000

Stigaverðlaun (1799 stig og lægri) kr. 6.000

Teflt er um titilinn "Skákmeistari Skákfélags Akureyrar". Mótið er öllum opið en aðeins félagsmaður í Skákfélaginu getur unnið meistaratitilinn. Peningaverðlaun gilda fyrir alla án tillits til félagsaðildar.

Skákir 3-7. umferðar verða reiknaðar til íslenskra og alþjóðlegra skákstiga. 

Skráningarblað liggur frammi í Skákheimilinu en einnig er hægt að skrá sig með tölvupósti á netfangið [e-mail]