Skákþing Akureyrar 2011 - Staða, úrslit og dagskrá

Þriðjudagur, 18. janúar 2011

	Úrslit
1. umferð	2. umferð	3. umferð
4. umferð	5. umferð	6. umferð
7. umferð		Einvígi 1
		Einvígi 2

Lokastaðan:

Skákþingi Akureyrar, sem hófst 23. janúar, lauk í gær þegar Smári Ólafsson og Sigurður Arnarson tefldu til úrslita um titilinn „Skákmeistari Akureyrar“. Áður höfðu þeir Smári og Sigurður skilið jafnir í tveim einvígisskákum.

Fyrirkomulagið í dag var þannig að fyrst voru tefldar tvær 15 mínútna skákir með skiptum litum. Það reyndist vera skammgóður vermir þar sem þeir félagar unnu sitthvora skákina. Enn var því jafnt í einvíginu og nauðsynlegt að grípa til bráðabana. Hann fór þannig fram að hvítur (Sigurður) hafði 6 mínútur gegn 5 mínútum svarts (Smári) en hvítur varð að vinna. Skákin endaði með sigri Smára eftir að Sigurður, sem hafði verið nokkuð brokkgengur í einvíginu, víxlaði leikjum á mikilvægu augnabliki og tapaði liði.

Smári Ólafsson er því sigurvegari Skákþingsins og ber nafnbótina Skákmeistari Akureyrar næsta árið.

Einvígi Smára og Sigurðar hjá Chess-Results

Það voru ekki eingöngu Smári og Sigurður sem tefldu einvígi. Hjörleifur Halldórsson og Karl Egill Steingrímsson tefldu einnig einvígi um meistaratitilinn í flokki öldunga, 60 ára og eldri.

Áður hefur komið hér fram að Hjörleifur hafði betur í fyrri skák þeirra félaga. Staðan var því 1 – 0 og Karl varð að vinna seinni skákina sem tefld var á miðvikudaginn. Eftir ágæta tilraun og drengilega baráttu skildu þeir Hjörleifurog Karl jafnir í seinni skákinni.

Hjörleifur sigraði því í einvíginu og bætir við sig nafnbótinni; Skákmeistari Akureyrar í öldungaflokki.

Einvígi Hjörleifs og Karls hjá Chess-Results

Mikael Jóhann Karlsson hafði þegar tryggt sér þriðja titilinn sem var í boði; Skákmeistari Akureyrar í unglingaflokki.

Lokastaðan (efstu menn):

1.  Smári Ólafsson    6 + 3
2. Sigurður Arnarson    6 + 2
3. Mikael Jóhann Karlsson   5
4-5. Rúnar Ísleifsson    4
   Sigurður Eiríksson      4
6-10.Hjörleifur Halldórsson      3,5 + 1,5
   Jakob Sævar Sigurðsson    3,5
   Jón Kristinn Þorgeirsson    3,5
   Karl Egill Steingrímsson      3,5 + 0,5
   Tómas Veigar Sigurðarson 3,5

Mótinu er þá formlega lokið, en allar upplýsingar um mótið og skákir er hægt að nálgast hér á heimasíðunni.

Áskell Örn Kárason var skákstjóri.

Verðlaun:

Teflt verður í einum flokki, um þrjá meistaratitla:

Skákmeistari Akureyrar - Smári Ólafsson
Skákmeistari Akureyrar í unglingaflokki - Mikael Jóhann Karlsson
Skákmeistari Akureyrar í öldungaflokki (60 ára og eldri) - Hjörleifur Halldórsson

Að auki fær sigurvegarinn styrk á skákmót að lágmarki kr. 20.000.

Dagskrá:

umferð- Sunnudaginn 23. janúar kl. 13:00
umferð- Miðvikudaginn 26. janúar kl. 19:30
umferð- Sunnudaginn 30. janúar kl. 13:00
umferð- Miðvikudaginn 2. febrúar kl. 19:30
umferð- Sunnudaginn 6. febrúar kl. 13:00
umferð- Miðvikudaginn 9. febrúar kl. 19:30
umferð- Sunnudaginn 13. febrúar kl. 13:00

Skákmeistarar Akureyrar frá 1938

Skákir mótsins

Veljið skák (53 alls):

Meginflokkur: Spil og leikir | Aukaflokkar: Fréttir, Skákþing Akureyrar, Úrslit | Breytt 25.2.2011 kl. 03:52 | Facebook

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um félagið

Skákfélag Akureyrar

Skákfélag Akureyrar var stofnað 10. febrúar árið 1919 og er meðal elstu félaga á Akureyri.

Félagið hefur nú aðstöðu til bráðabirgða í Rósenborg - neðstu hæð, en Skákheimilið í Íþróttahöllinni er lokað eins og er vegna endurbóta.

Áskell Örn Kárason er formaður félagsins.

Netfang formanns er askell@simnet.is og þangað má koma upplýsingum og ábendingum um efni á heimasíðuna..

Skákfélag Akureyrar

Efni

Skákfélag Akureyrar