Unglingaæfingar hafnar á ný

Unglingaæfingar eru nú hafnar eftir jólahlé. Á miðvikudagsæfingum geta þátttakendur unnið sér innstig með því að leysa þrautir auk þess sem réttar lausnir á heimavinnu gefa stig.

Fyrir áramót skáru tveir þátttakendur sig nokkuð úr og er það fyrst og fremst að þakka góðri ástundun og hversu vandvirkir þeir voru við heimavinnuna. Keppni þeirra var hörð allt til enda en á lokaæfingunni tókst Jóni Kristni Þorgeirssyni að hreppa 1. sætið og komast einu stigi upp fyrir Mikael Jóhann Karlsson, sem hafði leitt keppnina lengst af en boðaði forföll á síðustuæfingu. Í þriðja sæti var Birkir eftir harða baráttu.

 

Staðan

Jón Kristinn        135 stig

Mikael                  134 stig

Birkir                     50 stig

Logi                       46 stig

Hersteinn           39 stig

Andri                    34 stig

Hjörtur                 13 stig