Skákfélag Akureyrar sigraði í sveitakeppni skákfélaga á Norðurlandi

  

laugardagur 3.nóv.07 10:58

Sveitakeppni skákfélaga á Norðurlandi fór fram laugardaginn 29. september sl. á Sauðárkróki. Fjórar sveitir mættu til keppni, tvær frá Akureyri

en einnig frá Dalvík, auk heimamanna í Skagafirði. Eftir harða baráttu stóð A sveit Skákfélags Akureyrar uppi sem sigurvegari, hlaut 8 vinninga. Sveit Dalvíkur varð í öðru sæti með 6 1/2 vinning.   B sveit Skákfélags Akureyrar hlaut 5 vinninga en sveit Sauðkræklinga rak lestina með 4 1/2 vinning. Tefldar voru atskákir með 25 mínútna umhugsunartíma. Sigursveit Skákfélags Akureyrar skipuðu þeir: Gylfi  Þórhallsson, sem hlaut 1,5 vinning, Þór Valtýsson, sem hlaut 1 vinning, Sigurður Eiríksson, sem fékk fullt hús,  3 vinninga, og Sveinbjörn Sigurðsson, sem fékk  2,5 vinning.                                                                                                                                                                                                                                 Í b - sveitinni voru: Sigurður Arnarson, Ari Friðfinnsson, Eymundur Eymundsson og Mikael Jóhann Karlsson. Keppnin fer fram næst á Akureyri að ári.    Að lokinni sveitakeppninni var efnt til hraðskákmóts. Tefldar voru 7 umferðir eftir monrad kerfi. Sigurvegari þess varð Þór Valtýsson, hlaut 6 vinninga. Annar varð Gylfi  Þórhallsson sem hlaut 5,5 vinning og þriðji Sigurður Eiríksson með 4,5 vinning.