Ný skákvertíð að hefjast!

Nú þegar sumri hallar fara skákmenn á kreik og hefðbundið starfs Skákfélags Akureyrar hefst að nýju. Mótáætlun er í smíðurm, en þetta liggur fyrir um næstu viðburði:

Fimmtudaginn 31. ágúst kl. 18.00. hefst starfið með STARTMÓTINU.   Athugið óhefðbundna tímasetningu!

Fimmtudaginn 7. september kl. 20.00 verður teflt 15. mínútna mót.

Sunnudaginn 10. september verður Opið hús. Þá verður heitt á könnuni að venju og félagsmenn og aðrir áhugasamir hvattir til að mæta og leggja orð í belg um vetrarstarfið. Líklega verða taflsettin líka dregin fram. Húsið opnar kl. 13. 

Fimmtudaginn 14. september kl. 18.00 hefst Haustmót félagsins. Skráning hjá formanni eftir öllum færum leiðum, m.a. með tölvupósti á [e-mail]. Gert er ráð fyrir að tefla bæði atskákir og kappskákir á mótinu, en fjöldi umferða ræðast nokkuð af þáttakendafjölda.

Sunnudaginn 18. september kl. 13.00 verður Aðalfundur félagsins.

Mótaáætlun til áramóta mun liggja fyrir á Startmóti. 

Æfingar að hefjast fyrir börn og unglinga!

Æfingar verða á sömu dögum og á vormisseri, mánudögum og miðvikudögum. Kennt verður í Skákheimilinu í Íþróttahöllinni, gengið inn um nyrðri dyra að vestan. 

Almennur flokkur hefst mánudaginn 28. ágúst kl. 16.30. Leiðbeinendur og umsjónarmenn eru Elsa María Kristínardóttir og Hilmir Vilhjálmsson. Skráning á staðnum, nánari upplýsingar gefur Elsa í s. 772-7789. 

Framhaldsflokkur hefst miðvikudaginn 6. september kl. 16.30. Þjálfarar eru Sigurður Arnarson og Áskell Örn Kárason. Skráning á staðnum og hjá þjálfurum í s. 892-1105 og 897-8055.

Almenni flokkurinn er einkum ætlaður yngri iðkendum (frá 6 ára aldri)og þeim sem eru skemmra komnir í íþróttinni. Framhaldsflokkurinn hentar eldri nemendum (u.þ.b. frá 11 ára aldri) sem hafa þegar fengið nokkra þjálfun. Ef vafi leikur á því hvaða flokk á að velja er gott að bera það undir einhver af þjálfurunum. Líka er hægt að hafa samband við formann félagsins í [e-mail].

Auk þessara föstu æfingatíma verður boðið upp á aukaæfingar ef þátttaka fæst. Þá eru hefðbundin mót fyrir börn og unglinga á haustmisseri, fyrst haustmót sem háð verður fyrrihluta októbermánaðar.  Þá er þátttaka í almennum mótum Skákfélagsins heimil öllum og er án endurgjalds fyrir börn og unglinga á grunnskólaaldri. Upplýsingar um mót og aðra viðburði má lágast hér á heimasíðunni og á Facebook-síðu félagsins. 

Æfingagjald fyrir haustmisseri er kr. 5.000.