Sprettsmótið: Akureyrarmót í yngri flokkum þann 1. apríl!

Mótið, sem jafnframt er Skólaskákmót Akureyrar fer fram mánudaginn 1. apríl nk. og hefst kl. 17.00.  Mótið tekur u.þ.b. tvo tíma.

 

Teflt verður um titilinn Skákmeistari Akureyrar í eftirfarandi flokkum:

Barnaflokkur,  fædd 2008 og síðar.

Pilta- og stúlknaflokkur, fædd 2006-2008.

Unglingaflokkur, fædd 2003-2005.

 

Verðlaun verða veitt fyrir sigur í hverjum flokki, gull, silfur og brons - verðlaunaafhending í uppskeruhátíðinni í maí.

 

Mótið er einnig Skólaskákmót Akureyrar.   Þar er keppt í tveimur aldursflokkum;

yngri flokki (1-7. bekk, þ.e. fædd 2003-2009)

eldri flokki (8-10. bekk, þ.e. fædd 2000-2002). 

Tveir efstu keppendur í hvorum flokki fá þátttökurétt á umdæmismóti í skólaskák sem fer fram strax eftir páska.   Líklega gefur þriðja sætið einnig keppnisrétt.

Umhugsunartími er 5 mínútur á skákina, auk 3 sekúndna viðbótartíma fyrir hvern leik. Tefldar verða 7 umferðir eftir svissnesku kerfi.  

Öllum börnum á grunnskólaaldri heimil þátttaka meðan húsrúm leyfir.

Teflt verður í skákheimilinu í Íþróttahöllinni, (gengið inn að vestan).   Skráning er á staðnum frá kl. 16.30.

Einnig er hægt að skrá sig í netfangið [e-mail]

Pizzuveisla frá Sprettinum fyrir síðustu umferð!

Vignir Vatnar vann Norðurlandsmótið; Jón Kristinn Skákmeistari Norðlendinga

Skákþing Norðlendinga; hið 85. í röðinni var háð á Akureyri nú um helgina. Vegna ófærðar og óveðurs var ákveðið að fresta upphafi mótsins frá föstudegi til laugardags og um leið þurfti að breyta fyrirkomulaginu. Eingöngu voru tefldar atskákir (tími 25-10), átta umferðir. Vignir Vatnar Stefánsson tók snemma forystuna í mótinu og lét hana aldrei af hendi; leyfði aðeins eitt jafntefli. Annar varð Bárður Örn Birkisson og Jón Kristinn Þorgeirsson varð í þriðja sæti. Hann varði þar með meistaratitil sinn frá því í fyrra. Efstu menn:

Vignir Vatnar Stefánsson    7,5

Bárður Örn Birkisson        7

Jón Kristinn Þorgeirsson    6,5

Áskell Örn Kárason, Símon Þórhallsson og Karl Egill Steingrímsson 4,5.

Benedikt Stefánsson fékk stigaverðlaun (besti stigaárangur keppanda með 1799 stig og minna) og Markús Orri Óskarsson varð Norðurlandsmeistari unglinga. 

Sjá nánar á Chess-results 

Að venju fór Hraðskákmót Norðlendinga fram eftir að aðalmótinu lauk. Þar varði Jón Kristinn einnig titil sinn frá í fyrra. Efstu menn:

Jón Kristinn Þorgeirsson  7,5 af 9

Símon Þórhallsson         7

Rúnar Sigurpálsson og Tómas V. Sigurðarson 6,5

Áskell Örn Kárason       6

 

 

TM-mótaröðin

Fimmtudaginn 21. mars verður dagurinn örlítið lengri en nóttin. Því ber að fagna og verður best gert með því að mæta í 6. umferð TM-mótaraðarinnar sem hefst kl. 20. Tilvalið að hita vel upp fyrir Skákþing Norðlendinga sem hefst á föstudaginn.

Staðan eftir 5 umferðir er sem hér segir:

Elsa María Kristínardóttir	8.3	15	6.5	6	8	43.8
Símon Þórhallsson	8.3		13.5	13.5	13.5	48.8
Jón Kristinn Þorgeirsson	15	11			13.5	39.5
Áskell Örn Kárason		11	8	9		28
Rúnar Sigurpálsson			13.5	13.5		27
Tómas Veigar Sigurðarson	12		4.5		10	26.5
Stefán G Jónsson	4.5	7	3	4.5	7	26
Sigurður Arnarson			6.5	9	6	21.5
Smári Ólafsson	8.3		4.5	7		19.8
Hilmir Vilhjálmsson	3	6	0	1.5	5	15.5
Halldór Brynjar Halldórsson			10			10
Andri Freyr Björgvinsson		8				8
Róbert Heiðar Thorarensen			1.5	1.5	4	7
Sigurður Eiríksson	6					6
Hjörtur Steinbergsson	4.5		1.5			6
Karl Egill Steingrímsson				4.5		4.5
Hreinn Hrafnsson				3		3