Skákþingið; Rúnar og Símon efstir fyrir lokaumferðina

Sjötta og næstsíðasta umferð Skákþings Akureyrar 2019 fór fram í kvöld. Tvær skákir stóðu stutt yfir.

Benedikt-Rúnar   0-1

Bensi varaði sig ekki á hinni hógværu Alékins-vörn Rúnars; spennti bogann hátt þegar í upphafi og fórnaði nokkrum mönnum að óþörfu. Þegar veruleikinn blasti vð honum ákvað hann að gefast upp; 0-1 eftir 22 leiki.

Arnar Smári-Sigurður 0-1

Arnar ákvað í þetta sinn að hvíla Grand-prix afbrigðið gegn Sikileyjarvörn og fór hægt í sakirnar. Svartur gat því auðveldlega jafnað taflið og varð sýslumannsfulltrúanum ekki skotaskuld úr því. Þótt hann hafi borið skarðan hlut frá fyrri skákum sýndi Sigurður nú að hann er ekki gefin veiði. Þegar annað mannstap hins nýbakaða Haugnesings leit dagsins ljós sá hann þann kost vænstan að skila inn skírteininu og fella kónginn. 0-1 eftir 21 leik.

Andri-Smári 1/2-1/2

Í þessari skák var undiraldan elngi þung. Hvítur fór sér hægt í byrjun en lagðist þó þungt á stöðuandstæðingsins a-la-Júsupov. Hvassafellskappin reyndist þó háll sem áll og varðist af engu minni þunga. Steðjaði nú tímahrak að báðum keppendum, þeim Hvassa fyrst, en eftir það að kennaranemanum. Í þungramannatafli hékk hann lengi vel á lakkinu svokölluðu undir lokin. Hann var þó í góðum færum en svartur þræddi einstigið og náði að virkja kóng sinn undir lokin. Það reynist oft vel í hróksendatöflum og tryggði honum loks jafntefli eftir tæplega fimm tíma setu. 

Stefán-Símon 0-1

Stefán Jónsson, sem mundar nú mannskap á taflborði eftir nokkurra áratuga hlé, hefur sýnt að hann á fullt erindi í hóp bestu keppnismanna félagsins og mega þeir hafa sig alla við þótt þrautþjálfaðir séu. Það fékk Jungmeister Símon líka að reyna; fékk bærilega stöðu með svörtu eftir byrjunin og tefldi djarft til vinnings. Tímabundin peðsfórn reyndist honum vel og á örlagastundu náði hann að þvinga fram allsherjaruppskipti og voru þá báðir með eitt peð með kóngi sínum. Þá reyndist svarta peðið hraðskreiðara og á því vannst taflið.

Fyrir lokaumferð skákþingsins næsta sunnudag, 3. febrúar eru þeir jafnir, Símon Þórhallsson og fráfarandi meistari, Rúnar Sigurpálsson, með fimm og hálfan vinning. Þeir eru því íklegastir til að kljást um sigurinn, en Andri Freyr, sem hefur vinningi minna á enn fræðilega möguleika á efsta sætinu, en til þess að ná því þarf hann að vinna Rúnar í lokaumferðinni og treysta jafnframt á að Símon tapi sinni skák. Smári er svo í fjórða sæti með þrjá og hálfan vinning. Benedikt hefur tvo og þeir Arnar Smári, Sigurður og Stefán hafa allir einn vinning og verma því botnsætið í sameiningu. Annars tefla þessir saman á sunnudaginn:

Rúnar-Andri

Smári-Stefán

Sigurður-Benedikt

Símon-Arnar Smári

Öll úrslit og stöðuna má finna á Chess-results.

 

 

Skákþingið; Rúnar og Símon efstir fyrir lokaumferðina

Sjötta og næstsíðasta umferð Skákþings Akureyrar 2019 fór fram í kvöld. Tvær skákir stóðu stutt yfir.

Benedikt-Rúnar   0-1

Bensi varaði sig ekki á hinni hógværu Alékins-vörn Rúnars; spennti bogann hátt þegar í upphafi og fórnaði nokkrum mönnum að óþörfu. Þegar veruleikinn blasti vð honum ákvað hann að gefast upp; 0-1 eftir 22 leiki.

Arnar Smári-Sigurður 0-1

Arnar ákvað í þetta sinn að hvíla Grand-prix afbrigðið gegn Sikileyjarvörn og fór hægt í sakirnar. Svartur gat því auðveldlega jafnað taflið og varð sýslumannsfulltrúanum ekki skotaskuld úr því. Þótt hann hafi borið skarðan hlut frá fyrri skákum sýndi Sigurður nú að hann er ekki gefin veiði. Þegar annað mannstap hins nýbakaða Haugnesings leit dagsins ljós sá hann þann kost vænstan að skila inn skírteininu og fella kónginn. 0-1 eftir 21 leik.

Andri-Smári 1/2-1/2

Í þessari skák var undiraldan elngi þung. Hvítur fór sér hægt í byrjun en lagðist þó þungt á stöðuandstæðingsins a-la-Júsupov. Hvassafellskappin reyndist þó háll sem áll og varðist af engu minni þunga. Steðjaði nú tímahrak að báðum keppendum, þeim Hvassa fyrst, en eftir það að kennaranemanum. Í þungramannatafli hékk hann lengi vel á lakkinu svokölluðu undir lokin. Hann var þó í góðum færum en svartur þræddi einstigið og náði að virkja kóng sinn undir lokin. Það reynist oft vel í hróksendatöflum og tryggði honum loks jafntefli eftir tæplega fimm tíma setu. 

Stefán-Símon 0-1

Stefán Jónsson, sem mundar nú mannskap á taflborði eftir nokkurra áratuga hlé, hefur sýnt að hann á fullt erindi í hóp bestu keppnismanna félagsins og mega þeir hafa sig alla við þótt þrautþjálfaðir séu. Það fékk Jungmeister Símon líka að reyna; fékk bærilega stöðu með svörtu eftir byrjunin og tefldi djarft til vinnings. Tímabundin peðsfórn reyndist honum vel og á örlagastundu náði hann að þvinga fram allsherjaruppskipti og voru þá báðir með eitt peð með kóngi sínum. Þá reyndist svarta peðið hraðskreiðara og á því vannst taflið.

 

 

Vel heppnað barnaskákmót á Skákdaginn

Í tilefni af Skákdeginum 26. janúar var blásið til skákmóts fyrir börn sem haldið var í Brekkuskóla. Vakin var athygli á mótinu í þeim skólum þar sem skák hefur verið kennd í vetur. 

Alls mættu 27 knáir skákkrakkar til leiks. Mótinu var tvískipt eftir aldri, en verðlaun veitt í alls fimm aldursflokkum. Tefldar voru sjö umferðir og umhugsunartími á skák sjö mínútur. 

Í yngri hópnum tefldu 15 börn og þar urður þeir Sigþór Árni Sigurgeirsson og Jökull Máni Kárason efstir með sex vinninga. Í Eldri hópnum varð Ingólfur Árni Benedisktsson efstur, einnig með sex vinninga.

Verðlaunahafar í einstökum aldursflokkum urðu sem hér segir:

Yngsti flokkur, börn fædd 2011 og síðar:

Sigþór Árni Sigurgeirsson   6

Alexía Lív Hilmisdóttir     3,5

Styrmir Sigfríðarson        2,5 

Börn fædd 2010

Jökull Máni Kárason         6

Kári Hrafn Víkingsson       4,5

Hulda Rún Kristinsdóttir    4,5

Börn fædd 2009

Markús Orri Óskarsson       4

Emil Andri Davíðsson        4

Gunnar Logi Guðrúnarson     4

Eldri flokkur, börn fædd 2006-2008

Ingólfur Árni Benediktsson  6

Arna Dögg Kristinsdóttir    5

Ingólfur Bjarki Steinþórss. 4,5

Unglingaflokkur, börn fædd 2003-2005

Róbert Heiðar Thorarensen   5

Mótið fór vel fram í alla staði og var öllum hlutaeigendum til sóma. Brekkuskóla er þökkuð prýðisgóð aðstaða í sal skólans og Jóni Berg húsverði sérstaklega fyrir ómetanlega aðstoð. Mótið er liður í 100 ára afmælisdagskrá Skákfélags Akureyrar.

Myndina af keppendahópnum tók Sigurður Arnarson, en fjölmargar myndir hans til viðbótar er að finna á Facebook-síðu Skákfélagsins.