Haraldur og Áskell efstir á 15 mín. móti

Í dag var efnt til móts með 15 mínútna umhugsunatíma, en nokkur spurn hefur verið eftir slíkum mótum nú í haust. Þátttaka var enda með besta móti, þótt einhverja þekkta hraðskákarandstæðinga vantaði. Tíu keppendur mættu til leiks og tefldu sjö umferðir eftir hinu gamalkunna Monrad-kerfi. Að þeim loknum var staðan þessi:

Haraldur Haraldsson og Áskell Örn Kárason    6

Sigurður Arnarson og Karl Steingrímsson      5

Hjörtur Steinbergsson og Sigurður Eiríksson  3

Sveinbjörn Sigurðsson                        2,5

Eymundur Eymundsson og Ágúst Ívar Árnason    2

Gabríel Freyr Björnsson                      0,5

Var baráttan hörð og drengileg að mati viðstaddra. Þar sem Haraldur vann innbyrðis skák efstu manna var hann útnefndur sigurvegari mótsins. Hann hefur um nokkurra vikna skeið dvalið í æfingabúðum í Tælandi og því greinilega í hörkuformi. 

Næst munum við efla tafl fimmtudagskvöldið 10. nóvember þegar fimmta lota Mótaraðarinnar verður á dagskrá. Enginn ætti að missa af þeim hildarleik sem þá er í vændum.