Strandbergsmótið

Í dag lauk Strandbergsmótinu, Íslandsmót eldri skákmanna. Keppt var í 2 flokkum og áttum við SA menn keppendur í báðum flokkum og stóðu þeir sig allir vel.

Í flokk 50 ára og eldri voru 9 keppendur og áttum við þar einn fulltrúa. Sigurvegari mótsins varð Guðmundur Gíslason en okkar maður, Gylfi Þórhallsson endað í 4. sæti með 5,5 vinninga.

Í flokki 65 ára og eldri voru 22 keppendur og áttum við þar þrjá keppendur. Sigurvegar mótsins varð Björgvin Víglundsson. Efstur okkar manna varð Þór Valtýsson með 5,5 vinninga. Hann endaði í 3. sæti. Jafn marga vinninga hlaut Karl Egill Steingrímsson og endaði hann í 6. sæti. Þriðji keppandi Skákfélagsins í þessum flokk hlaut hálfum vinningi minna og endaði í 9. sæti. Það var sjálfur Sveinbjörn Sigurðsson.

Skákfélagið óskar öllum þessum görpum til hamingju með árangurinn.