Jón Kristinn skólaskákmeistari Lundarskóla

Skólaskákmót Lundarskóla fór fram í gær, 24. mars. Keppendur voru alls 15 og voru telfdar fimm umferðir á mótinu.

Úrslit urðu þessi

1. Jón Kristinn Þorgeirsson, 6. bekk 5 v.
2-3. Ísak Freyr Valsson og Bjarki Kjartansson, 10 bekk 4 v.
4-8. Svavar Kári Grétarsson, Ólafur Pétur Ólafsson, Otto Tulinius, Bjarki Snær Kristjánsson, 10. bekk og Steinar Gauti Þórarinsson, 9. bekk fengu allir 3 vinninga.
9. Anna Mary Jónsdóttir, 3. bekk 2,5 v.

Jón Kristinn er því skólaskákmeistari Lundarskóla í ár. Hann er jafnframt sigurvegari í yngri flokki, en þar hafnaði Anna Mary í öðru sæti og Gunnar aðalgeir Arason í því þriðja. Í eldri flokki bar Ísak Freyr sigur úr býtum efstri stigaútreikning, en Bjarki, sem varð jafn honum að vinningum, varð annar. Margir voru jafnir að vinningum í 3. sæti, en stigahæstur þeirra var Svavar Kári.

Skólaskákmót Akureyrar mun fara fram mánudaginn 4. apríl kl. 16.30 í yngri flokki (1-7. bekkur) og þriðjudaginn 5. apríl kl. 17.00 í eldri flokki (8-10. bekkur). Rétt til þátttöku eiga þeir sem hafa orðið í fyrsta og öðru sæti í hvorum flokki á þeim skólamótum sem farið hafa fram að undanförnu. Aðrir áhugasamir keppendur eru einnig velkomnir, meðan húsrúm leyfir. 3-4 efstu menn í hvorum flokki mun svo taka þátt í kjördæmismóti í skólaskák sem háð verður á Akureyri 30. apríl nk. Á því móti verður skorið úr því hverjir fara á Íslandsmót í skólaskák sem háð verður í Vestmannaeyjum dagana 4-6. maí nk., en á það mót munu fara tveir keppendur frá Norðurlandi eystra í hvorn flokk.

Sveitakeppni grunnskóla á Akureyri mun svo verða telfd 12. og 13. apríl. Keppt verður í 4ra manna sveitum og er fjöldi sveita frá hverjum skóla ekki takmarkaður.