Íslandsmót drengja og telpna 2009.

sunnudagur 25.okt.09

Þau fengu öll verðlaun.

  Jón Kristinn Þorgeirsson og Mikael Jóhann Karlsson  lentu í 3. og 6. sæti á Íslandsmóti drengja sem lauk í dag, eftir að hafa byrjað vel á mótinu. Tinna Ósk Rúnarsdóttir hafnaði í 3.-4. sæti í telpnaflokki.   

Jafnir og efstir urðu   Páll Andrason og Örn Leó Jóhannsson með 7 vinninga af 9. Þeir þurfa að tefla einvígi um fyrsta sætið. Jón Kristinn var síðan í þriðja sæti með 6,5 v. en hann var með vinnings forskot þegar tvær umferðir voru eftir, en tapaði þeim báðum gegn Guðmundi Kristni Lee og Erni Leó í 8. umferð eftir að hafa unnið mann snemma tafls. Mikael fékk 6 vinninga, hann tapaði fyrir Jóni Kristni í 6.umferð, og slysalega gegn Erni Leó í 7. umf. Vann Eirík Örn í sveiflu kenndri skák, og jafntefli vil Pál Andra í síðustu umferð.

Lokastaðan efstu keppenda:

1.	Páll Andrason	Taflf. Reykjavíkur	7
2.	Örn Leó Jóhannsson	Taflf. Reykjavíkur	7
3.	Jón Kristinn Þorgeirsson	Skákfé. Akureyrar	6,5 (44)
4.	Eiríkur Örn Brynjarsson	Taflf. Reykjavíkur	6,5(41,5)
5.	Guðmundur Kristinn Lee	Taflf. Hellir	6,5 (41)
6.	Mikael Jóhann Karlsson	Skákf. Akureyrar	6  (43)
7.	Hersteinn Heiðarsson	Skákf. Akureyrar	6  (37)
8.	Nökkvi Sverrisson	Taflf. Vestmanneyja	5,5
9.	Daði Steinn Jónsson	Taflf. Vestmanneyja	5,5
	Telpnaflokkur
1.	Sóley Lind Pálsdóttir	Taflf. Garðabæjar	4
2.	Hildur Berglind Jóhannsdóttir	Taflf. Hellir	4
3.	Kristjana Ósk Kristinsdóttir	Taflf. Garðabæjar	3
4.	Tinna Ósk Rúnarsdóttir	Skákf. Akureyrar	3
	Besti árangur  í hverjum	aldursárgangi.
2001.	Baldur Petersson	Taflf. Haukum
2000.	Sigurður Kjartansson	Kópavogi
1999.	Jón Kristinn Þorgeirsson	Skákf. Akureyrar
1998.	Aðalsteinn Leifsson	Skákf. Akureyrar
1997.	Valur Heiðar Einarsson	Skákf. Goðinn
1996.	Hersteinn Heiðarsson	Skákf. Akureyrar
1995.	Guðmundur Kristinn Lee	Taflf. Reykjavíkur
1994.	Páll Andrason og Örn Leó	Taflf. Reykjavíkur.
	Alls voru 29 keppendur á	mótinu.

Árangur Akureyringa var góður. Frábær frammistaða Jóns Kristins sem er tíu ára, vantaði herslumunin að vinna mótið. Mikael Jóhann var mjög óheppinn að tapa í 7. umferð fyrir Örn Leó, með sigri hefur hann lent í verðlauna sæti.  Hersteinn Heiðarsson náði frábærum endaspretti, vann Birkir Karl Sigurðsson í 9. umferð og fékk 6 vinninga, flott hjá honum. Aðalsteinn Leifsson 11 ára og fékk 5 vinninga, glæsilegt. Birkir Freyr Hauksson, Hjörtur Snær Jónsson með 5 v. og Logi Rúnar Jónsson 4 v. allir 13 ára, viðunnandi árangur þeirra. Tinna Ósk Rúnarsdóttir fékk 3 v. náði ekki að fylgja eftir góðum árangri á Haustmóti S.A. unglinga sem lauk fyrir viku síðan, hún gerir betur næst. Aron Fannar Skarphéðinsson fékk 2 v. Má vel við una. Hann var að keppa á sínu fyrsta stórmóti, nýbyrjaður að æfa hjá félaginu. Skákstjórar voru Gylfi Þórhallsson og Hjörleifur Halldórsson, auk þess voru valinn kunnir kappar þeim til aðstoðar, Vigfús Vigfússon, Páll Sigurðsson og hann og systir hans sjá mestu leyti um að slá inn úrslit inn á tölvuna og koma þeim úrslitum út um allan heim, og Gunnar Björnsson forseti sem afhendi verðlaun í mótslok. Þær stöllur María Stefánsdóttir og Árný Hersteinsdóttir voru með  heimabakað brauð á boðstólum, m.a. vöfflur, eplakökur, skúffukökur og að ógleymdu taflmönnum sem runnu út á svip stundu í ungviðinn.  Skákfélag Akureyrar þakkar öllum starfsmönnum, keppendum og öðrum sem komu að mótinu en það tókst mjög vel. Myndir úr mótinu eru hér fyir ofan í myndaalbúmi.