Evrópumeistaramót ungmenna 2009.

laugardagur 29.ágú.09

Jón Kristinn

Jón Kristinn Þorgeirsson keppir á Evrópumeistaramóti ungmenna 10 - 18 ára sem fram fer í Ferma á Ítalíu dagana 31. ágúst til 10. september. En alls fara sjö ungmenni frá Íslandi á mótið en þau eru:  Hallgerður Helga Þorsteinsdóttir og Sigríður Björg Helgadóttir tefla í flokki stúlkna 18 ára og yngri,  Jóhanna Björg Jóhannsdóttir í flokki stúlkna 16 ára og yngri og Hrund Hauksdóttir í flokki stúlkna 14 ára og yngri. Daði Ómarsson teflir í flokki pilta 18 ára og yngri, Dagur Andri Friðgeirsson í flokki pilta 16 ára og yngri og Jón Kristinn Þorgeirsson  í flokki pilta 10 ára og yngri.  Helgi Ólafsson verður farar- og liðsstjóri.

Jón Kristinn sem verður tíu ára eftir nokkra daga er eitt mesta efni sem hefur komið fram hjá Skákfélagi Akureyrar og er hann sá yngsti í sögu félagsins sem fer á stórmót erlendis. Jón var Íslandsmeistari barna 2009 í janúar sl. Alls eru um níutíu keppendur skráðir í flokknum tíu ára og yngri og er Evgeny Shtembuliak frá Úkraníu stigahæstur 2021  stig og næstur er Benjamin Gledura frá Ungverjalandi með 2007 stig. Heimsmeistarinn 2007 í flokki 8 ára og yngri Konstantin Savenkov frá Rússlandi er þrettándi stigahæsti keppandinn með 1801 stig.  . Skákfélag Akureyrar óskar Jóni góðs gengis og jafnframt öllum íslensku keppendum velfarnaðar á mótinu.  Heimasíða EM   http://www.euroyouth2009.com/                                                                                                         

Þess má geta að Mikael Jóhann Karlsson 14 ára fer á Heimsmeistaramót unglinga, haldið í Tyrklandi síðar á árinu.