Skákfélag Akureyrar 90 ára.

þriðjudagur 17.feb.09

Skákfélag Akureyrar fagnaði þann 10. febrúar 90 ára afmæli sínu en félagið var stofnað 10. febrúar 1919. Ýmislegt var gert til hátíðarbrigða vegna þessara tímamóta. Klukkan 17.00 var opið hús í skákmiðstöð félagsins í suðurenda Íþróttahallarinnar  og var m.a. boðið uppá  

veitingar, en alls komu á sjöunda tug gesta. Nú á þessum degi  var undirritaður samningur við Akureyrarbæ um skákþjálfun barna og unglinga undir heitinu „Æskan að tafli".

Í samningunum felst að Skákfélagið mun sjá um skákþjálfun barna og unglinga á Akureyri og bæjarfélagið útvega félaginu nauðsynlega aðstöðu og rekstrarstyrk. KEA kemur einnig að verkefninu „Æskan að tafli" með myndarlegum styrk og félagið vonast til þess að fleiri styrktaraðilar bætist í hópinn á afmælisárinu.

Með „Æskunni að tafli" leggur Skákfélagið áherslu á að grunnskólanemendur á Akureyri fái að kynnast skáklistinni og gefist kostur á að þjálfa hæfileika sína á skáksviðinu. Félagið mun leggja áherslu á þjálfun fyrir jafnt skemmra sem lengra komna og auðvelda þeim iðkendum sem skara fram úr að reyna sig við jafnaldra sína annars staðar á landinu. Markmiðið er að Akureyringar eigi áfram Íslandsmeistara í barna- og unglingaflokkum og geti sent sigurstranglegar sveitir til keppni á Íslandsmóti barna- og grunnskólasveita.

Félagið hefur lengi haldið uppi öfl  ugri  barna- og unglingastarfi og á síðustu tíu árum  hafa 24 orðið Íslandsmeistarar, hvort það sé í liðakeppni eða einstaklingskeppni. Íslandsmeistaratitill hefur unnist á hverju ári síðustu fjögur ár, nú síðast í byrjun janúar sl. Jón Kristinn Þorgeirsson í barnaflokki.

Á þessum degi var Haraldi Ólafssyni gerður að heiðursfélaga Skákfélags Akureyrar, en hann hefur m.a. setið í stjórn félagsins á annan áratug, verið skákstjóri í mörg ár og hefur teflft í fjölmörgum mótum félagsins í áratugi. Haraldur verður áttræður síðar á árinu. 

Mynd: Gylfi Þórhallsson, formaður Skákfélags Akureyrar, og Sigrún Björk Jakobsdóttir, bæjarstjóri, undirrita samninginn.