Sigurður og Smári tefldu erlendis í sumar

föstudagur 2.nóv.07

Skákmenn frá Skákfélagi Akureyrar voru iðnir að tefla erlendis í sumar, eins og áður hefur komið fram tefldu 9 í Danmörku í júlí.

Smári Rafn Teitsson (2090 stig) tefldi á alþjóðlegu móti í Valensíu á Spáni í júlí og honum gekk mjög vel hlaut 5,5 vinning af 9 mögulegum og hafnaði í 17.-28 sæti af 100 keppendum.

Vann hann m.a. Olgu Gerasimovitch stórmeistara kvenna frá Hvíta-Rússlandi, en hún hafnaði í 3.-8. sæti með 6,5 v. Sigurvegari varð alþjóðlegi meistarinn Kovacevic Slobodan með 7 vinninga.

Sigurður Eiríksson (1956 stig)  tefldi á tveim alþjóðlegum mótum í sumar, það fyrra í Tékklandi í júlí, hann byrjaði illa og náði sér  ekki almennlega á strik eftir það fekk 2,5 v. af 9. Það var mjög heitt á þessum slóðum í sumar hitinn um og yfir 30 gráður, og loftræstingin var misjöfn í keppnissalnum.

Og í Barcelona í ágúst  og fékk hann  4,5 v. af 10. sem er viðunnandi árangur á þessu sterku móti, og hækkar hann um nokkur stig fyrir frammistöðu sína. en þarna voru á þriðja hundruð keppendur í hans flokki. Sigurvegari mótsins var hollenski stórmeistarinn Frisco Nijboer (2566) fékk 8. vinninga.