Mót og viðburðir til nýárs

Þetta er helst:

30. nóv. Mótaröð kl. 20

3. des.  15 mín. mót kl. 13

7. des. Mótaröð kl. 20

10. des. 10 mín. mót kl. 13

14. des. Mótaröð kl. 20

17. des. UPPSKERUHÁTÍÐ kl. 13

21. des. Jólahraðskákmótið kl. 18

28. des. Hverfakeppnin kl. 18

1. jan. Nýjársmót kl. 14

Svo er bara að reima á sig takkaskóna og fara af stað!

Mótaröð á fimmtudegi

Á morgun rennur upp fimmtudagurinn 30. nóvember!
Hvað er svona merkilegt við það? Sennilega ekki margt. En hví ekki að gera daginn merkilegann og mæta á 6. umferð Mótaraðarinnar? Hún verðu haldin í salarkynnum Skákfélagsins og hefst stundvíslega kl. 20.00. Öll velkomin.

Haki oddafiskur

Meðan margir af okkar virkustu skákmönnum sátu að tafli í lokaumferð opna Rúnavíkurmótsins, og stóðu sig vel, var haldið 10 mín. mót á heimavelli. Aðeins fimm keppendur mættu til leiks að þessu sinni. Leikar fóru svo að Haki Jóhannesson sigraði með 3,5 vinninga af 4 mögulegum. Til heiðurs vinum okkar í Færeyjum fær Haki því virðingatitilinn oddafiskur dagsins.

Heildarúrslitin voru sem hér segir:
Haki Jóhannesson 3,5 vinningar
Sigurður Arnarson  3 vinningar
Karl Steingrímsson             2 vinningar
Hjörtur Steinbergsson 1,5 vinningar
Heiðar Ólafsson 0 vinningar þrátt fyrir margar góðar skákir.