Símon Akureyrarmeistari í hraðskák

Hraðskákmót Akureyrar var háð í gær, 18. febrúar. Keppendur voru níu og tefldu allir við alla.
Símon Þórhallsson, sem verið hefur ósigrandi á hraðskákmótum vetrarins vann öruggan sigur, þrátt fyrir nokkuð óvænt tap gegn formannsnefnunni. Lokastaðan:

Rk. NameRtgFEDPts. TB1  TB2  TB3 

1	2	3	4	5	6	7	8	9
1	FM	Thorhallsson, Simon	2137	ISL	*	0	1	1	1	1	1	1	1	7	0	7	22,50
2	IM	Karason, Askell O	2015	ISL	1	*	1	0	1	½	1	1	1	6,5	0	6	23,00
3		Eiriksson, Sigurdur	1809	ISL	0	0	*	1	1	0	1	1	1	5	0	5	13,50
4		Olafsson, Smari	1847	ISL	0	1	0	*	½	1	1	1	0	4,5	0,5	4	16,25
5		Jonsson, Ingimar	1873	ISL	0	0	0	½	*	1	1	1	1	4,5	0,5	4	10,75
6		Oskarsson, Markus Orri	1399	ISL	0	½	1	0	0	*	½	1	1	4	0	3	11,75
7		Sigurgeirsson, Sigthor Arni	1307	ISL	0	0	0	0	0	½	*	½	1	2	0	1	3,75
8		Asgrimsson, Valur Darri	1326	ISL	0	0	0	0	0	0	½	*	1	1,5	0	1	2,00
9		Kramarenko, Vjatsjeslav	0	ISL	0	0	0	1	0	0	0	0	*	1	0	1	4,50

Á myndinni má sjá tvo nýkrýnda Akureyrarmeistara (í kappskák og hraðskák), auk silfur- og bronsverðlaunahafa á hraðskákmótinu.
Frá vinstri; Markús, Áskell, Símon og Sigurður. Þrír þeirra halda á bókinni "Íþróttapistlar" sem Dr. Ingimar Jónsson færði þeim að gjöf í mótslok. 

Næstu mót

Nú er sögulegu Skákþingi Akureyrar lokið, en taflið heldur áfram þótt örstutt hlé verði nú á mótahaldi. Þetta gerist næst:

Sunnudaginn 18. febrúar kl. 13.00   Hraðskákmót Akureyrar
Fimmtudaginn 22. febrúar kl. 20.00  Mótaröð í harðskák; lota 1.
Laugardaginn 24. febrúar og sunnudaginn 25. febrúar er stefnt að Skákþingi Akureyrar í yngri flokkum. Nánar auglýst síðar, en tefldar verða atskákir og verðlaun veitt í tveimur flokkum; eldri f. 2008-2012 og yngri, f. 2013 og síðar. Nánar auglýst síðar.
Helgin 2. og 3. mars er svo undirlögð Íslandsmóti skákfélaga sem fer fram í Reykjavík. 

Sögulegu skákþingi lokið: Markús Orri nýr Akureyrarmeistari

Lokaumferð Skákþings Akureyrar var tefld í gær, 8. febrúar. Markús Orri var fyrir umferðina þegar búinn að tryggja sér efsta sætið á mótinu og því fyrirséð að hann yrði sá yngsti sem hampaði titlinum "Skákmeistari Akureyrar" í 87 ára sögu þessa móts, en Markús verður 15 ára eftir nokkra daga. 

Hann sló ekki slöku við í lokaumferðinni og landaði enn einum sigrinum og lauk því mótinu með fullu húsi vinninga, sjö af sjö. Hann var því þegar upp er staðið, heilum tveimur vinningum á undan næsta manni, Stefáni G. Jónssyni. Þess má geta til gamans, að það er sextíu ára aldursmunur á sigurvegararnum og silfurverðlaunahafanum og sýnir það betur en annað hvernig skákíþróttin höfðar jafnt til allra aldurshópa.  

 

 

 

En úrslitin í lokaumferðinni:
Markús-Vjatsjeslav      1-0
Stefán G-Sigurður       1/2
Stefán A-Eymundur       1-0
Goði-Sigþór             1-0
Valur Darri-Damian      0-1

Lokastaðan í mótinu:
Markús Orri Óskarsson      7
Stefán G Jónsson           5
Eymundur Eymundsson        4,5
Stefán Arnalds og
Sigurður Eiríksson         4
Goði Svarfdal Héðinsson og
Damian Jakub Kondracki     3,5
Ýmir Logi Óðinsson,
Sigþór Árni Sigurgeirsson,
Valur Darri Ásgrímsson og
Vjatsjeslav Kramarenko     2,5
Kristian Már Bernhardsson  1,5

Sjá nánar á chess-results.